Poonam Pandey in Lock Upp : कंगना रणौतच्या 'लॉक अप'मध्ये पूनम पांडे - पाहा व्हिडिओ

कंगना रणौतच्या आगामी कॅप्टिव्ह रिअॅलिटी शो लॉक अपची बुधवारी तिसरी स्पर्धक म्हणून पूनम पांडेची घोषणा करण्यात आली. एकता कपूर निर्मित लॉक अप हा शो 27 फेब्रुवारीपासून ALTBalaji आणि MX Player वर प्रसारित होणार आहे.

मुंबई -अभिनेत्री पूनम पांडे ही आगामी रिअॅलिटी शो लॉक अप मध्ये प्रवेश करणारी नवीन स्पर्धक आहे. शोमध्ये पूनम सहभागी होत असल्याचे निर्मात्यांनी एका प्रोमोतून सांगितले आहे.

27 फेब्रुवारीपासून ALTBalaji आणि MX Player वर प्रसारित होणार्‍या या शोसाठी पूनम तिसरी स्पर्धक असल्याचे निश्चित झाले. पूनम पांडेला लॉक करण्याआधी निर्मात्यांनी यापूर्वी स्टँड-अप कॉमेडियन मुनव्वर फारुकी आणि अभिनेता निशा रावल यांच्या सहभागाची पुष्टी केली होती. प्रोमोमध्ये पूनमला 'हॉट अँड एक्स्ट्रीमली बॉदर्ड' या आरोपाखाली अटक करण्यात आल्याचे दिसत आहे.

पूनम तिच्या धाडसी विधानांसाठी आणि अगदी बिनधास्त वागण्यासाठी ओळखली जाते. सोशल मीडियावरील तिच्या बोल्ड फोटो आणि व्हिडिओमुले मनोरंजन जगतातील ती सर्वात वादग्रस्त सेलिब्रिटींपैकी हा अभिनेत्री मानली जाते.

बॉलिवूड अभिनेत्री शिल्पा शेट्टीचा पती राज कुंद्रा याच्यासोबत असलेल्या पॉर्न फिल्म्स रॅकेटशी संबंधित प्रकरणात सर्वोच्च न्यायालयाने गेल्या महिन्यात पूनमला अटकपूर्व जामीन मंजूर केला होता. नंतर गेल्या वर्षी पूनम तिच्या पती सॅम बॉम्बेवर अत्याचाराचा आरोप केल्यामुळे चर्चेत आली होती. त्यानंतर तिला रुग्णालयात दाखल करण्यात आले होते.

कॅप्टिव्ह रिअॅलिटी शो बॉलीवूड अभिनेत्री कंगना रणौत होस्ट करणार आहे. यात 16 वादग्रस्त सेलिब्रिटींना अनेक महिने तुरुंगात बंद केले जाईल. याकाळात त्यांना कोणत्याही सुविधा मिळणार नाहीत.

हेही वाचा -सुहाना खान आणि बिग बींचा नातू अगस्त्य नंदा मुंबईत एकत्र दिसले