मुंबई: अमित साध याने बॉलिवूड फिल्म इंडस्ट्रीमध्ये एक अभिनेता म्हणून स्वतःला सिध्द केलंय. त्याच्या घराण्यातले कोणीही फिल्म इंडस्ट्रीतील नाही किंवा त्याच्या रक्ताच्या नात्यातलेही कोणी इथे नाही. असे असले तरी तो स्वतःला आऊटसायडर म्हणायला तयार नाही.
"मी स्वत: ला बाहेरचा मानत नाही. मी एक या इंडस्ट्रीतलाच एक मनुष्य आहे आणि मी भारताच्या सुरक्षित सीमेमध्येच राहतो. प्रत्येक माणूस इथलाच आहे. कोणत्याही बाह्य व्यक्तीला तू बाहेरून आलेला म्हणण्याचे धाडस करु नका., असे अमित साधने सांगितले.
"मला आणखी एक गोष्ट नमूद करायची आहे. जे लोक वयाने किंवा स्थितीने मोठे आहेत आणि ज्यांना जास्त कळते, अशा लोकांनी जे कमी दर्जाचे आहेत आणि जे सामर्थ्यशाली नाहीत अशांना बाहेरुन आलेले म्हणू नये. मी या उद्योगातील असल्यामुळे अशी अपेक्षा करतो की, मी हा बाहेरचा आणि आतला हा वाद थांबवू शकेन. त्याऐवजी, महत्त्वाच्या आणि आवश्यक असलेल्या विषयांवर चर्चेसाठी आपण अधिक वेळ घालवला पाहिजे, "असे अभिनेता पुढे म्हणाला.
२००२ मध्ये अमितने टेलिव्हिजन अभिनेता म्हणून सुरुवात केली आणि नंतर २०१० मध्ये 'फूंक २' या चित्रपटातू बॉलिवूडमध्ये प्रवेश केला. त्यांनी काइ पो छे, गुड्डू रंगीला, सुलतान, रनिंग शादी, राग देश, गोल्ड आणि सुपर 30 सारख्या चित्रपटांमध्ये काम केले आहे.
इतक्या वर्षांत तो अभिनेता म्हणून कसा विकसित झाला आहे, असे विचारले असता त्याने उत्तर दिले: "मी किती उत्क्रांत झालो हे मला माहित नाही. कारण उत्क्रांती ही एक गोष्ट आहे जी आपण एखाद्याच्या कामात पाहिली पाहिजे आणि आपण त्याबद्दल बोलले पाहिजे. जर मी माझ्या स्वतःच्या उत्क्रांतीबद्दल बोललो तर ते खूप मूर्खपणाचे दिसेल. आशा आहे की लोक माझ्या कामामध्ये आणि माझ्या वागण्यात हे पाहतील. मी एवढेच सांगू शकतो की मी टिकून राहिलो याचा मला आनंद आहे. मी येथे आहे याचा मला आनंद आहे. ज्यांनी मला काम दिले त्या सर्वांचा मी आभारी आहे आणि मला इथेच राहू दिल्याबद्दल मी आपणा सर्वांचा आभारी आहे," असे अमित साध पुढे म्हणाला.