बोटल कॅप चॅलेंज : अक्षय कुमारने किकने उडवले बूच, बाटली शाबूत! व्हिडिओ व्हायरल

#BottleCapChallenge अक्षय कुमारने किकने उडवले बाटलीचे बूच. सोशल मीडियावर व्हिडिओ झाला व्हायरल. अक्षयची अॅक्शन पाहणे डोळ्यांना सुखावणारे.

मुंबई - अक्षय कुमार त्याच्या लाईव्ह अॅक्शनबद्दल ओळखल जातो. बॉलिवूडचा हा खिलाडी कुमार सध्या एका व्हिडिओमुळे चर्चेत आलाय. त्याने शेअर केलेला 'बोटल कॅप चॅलेंज'चा व्हिडिओ सध्या गाजतोय. हा व्हिडिओ सोशल मीडियावर ३८ लाख वेळा पाहिला गेलाय.

अक्षय कुमारने बाटली न पाडता किकने बाटलीचे बूच उडवण्याचे चॅलेंज घेतले होते. या व्हिडिओत अक्षय राऊंड किकने बाटलीचे बूच अचूक उडवतो आणि बाटली जागेवरच स्थिर राहते. हे पाहायला मिळते. त्याच्या जबरदस्त किकची सध्या जोरदार चर्चा आहे.

इन्स्टाग्रामवर शेअर केलेल्या या व्हिडिओच्या कॅप्शनमध्ये अक्षय कुमारने लिहिलंय, ''हे करण्यापासून मी स्वतःला रोखू शकत नाही. या व्हिडिओसाठी माझा आयडॉल जैसनपासून प्रेरणा घेतली आहे.'' या व्हिडिओतील त्याची क्षमता, अचूकता आणि फिटनेस वाखाणण्याजोगा आहे.

अक्षय कुमार सध्या 'सुर्यवंशी' चित्रपटात काम करीत आहे. रोहित शेट्टी दिग्दर्शन करीत असलेल्या या चित्रपटात तो भरपूर अॅक्शन करताना दिसणार आहे. पुढील वर्षी २७ मार्चला हा चित्रपट रिलीज होईल.