मुंबई- दाक्षिणात्य सुपरस्टार प्रभास आणि श्रद्धा कपूर लवकरच 'साहो' चित्रपटातून प्रेक्षकांच्या भेटीला येणार आहेत. गेल्या अनेक दिवसांपासून चर्चेत असणाऱ्या या चित्रपटाच्या प्रदर्शनाची तारीख पुढे ढकलण्यात आली असल्याची घोषणा काही दिवसांपूर्वीच करण्यात आली. ज्यानंतर आता चित्रपटाचं नवं पोस्टर प्रेक्षकांच्या भेटीला आलं आहे.
'साहो'चं नवं पोस्टर, श्रद्धा-प्रभासच्या प्रेमाची झलक - shraddha kapoor
या पोस्टरमध्ये श्रद्धा आणि प्रभासच्या प्रेमाची खास झलक पाहायला मिळत आहे. जी प्रेक्षकांची मनं जिंकण्यासोबतच चित्रपटाबद्दलची उत्कंठा वाढवणारी आहे.
'साहो'चं नवं पोस्टर
या पोस्टरमध्ये श्रद्धा आणि प्रभासच्या प्रेमाची खास झलक पाहायला मिळत आहे. जी प्रेक्षकांची मनं जिंकण्यासोबतच चित्रपटाबद्दलची उत्कंठा वाढवणारी आहे. आतापर्यंत चित्रपटातील अॅक्शन सीनचेच व्हिडिओ आणि फोटो प्रेक्षकांना पाहायला मिळाले होते. मात्र, आता सिनेमातील लव्हस्टोरीचा अँगल सांगणारं हे पोस्टर आहे.
सुजित यांचं दिग्दर्शन असणाऱ्या या सिनेमात श्रद्धा आणि प्रभासशिवाय निल नितीन मुकेश, जॅकी श्रॉफ, मंदिरा बेदी, चंकी पांडे आणि महेश मांजरेकर हे कलाकारही महत्त्वाच्या भूमिकेत झळकणार आहे. हा अॅक्शन थ्रिलर चित्रपट तेलुगू, तमिळ आणि हिंदी भाषेत प्रदर्शित होणार आहे. येत्या ३० ऑगस्टला हा सिनेमा प्रेक्षकांच्या भेटीला येणार आहे.