गोव्याच्या बीचवर 'विवस्त्र' धावताना दिसला मिलिंद सोमण !

अभिनेता मिलिंद सोमण आज आपला ५५ वा वाढदिवस गोव्यात अनोख्या पध्दतीने साजरा केला आहे. मिलिंदने वाढदिवसाच्या निमित्ताने एक फोटो सोशल मीडियावर पोस्ट केलाय. यात तो विवस्त्र बीचवर धावताना दिसत आहे.

मुंबई - बॉलिवूड अभिनेता मिलिंद सोमण आज आपला ५५ वा वाढदिवस साजरा करीत आहेत. यानिमित्ताने त्याच्यावर शुभेच्छांचा वर्षाव सुरू आहे. यादिवसात मिलिंद आपली पत्नी अंकिता कुँवरसोबत गोव्यात सुट्टीचा आनंद लुटत आहे. मिलिंदने वाढदिवसाच्या निमित्ताने एक फोटो सोशल मीडियावर पोस्ट केलाय. याची सध्या जोरदार चर्चा आहे. यात तो विवस्त्र बीचवर धावताना दिसत आहे.

मिलिंद सोमण यांनी हा फोटो शेअर केला आणि लिहिलंय, "मला वाढदिवसाच्या हार्दिक शुभेच्छा." त्याने फोटोसह # ५५असे लिहिले आहे, हा त्याच्या वाढदिवसाचा आकडा आहे. पत्नी अंकिताने त्याचा हा फोटो टिपला आहे. अंकिताने मिलिंदच्या वाढदिवशी एक गोड चिठ्ठीही लिहिलेली आहे.

अंकिताने लिहिलंय, "माझे हृदय व माझे आत्मा असलेल्या व्यक्तीस वाढदिवसाच्या हार्दिक शुभेच्छा. माझ्यामध्ये असलेल्या प्रत्येक अंशासह तुझ्यावर प्रेम करते. मी प्रत्येक दिवस साजरा करते. १२ किलोमिटर बीचवर धावल्यावर टोमॅटोसारखा लाल झाला."

हा फोटो सोशल मीडियावर जोरदार व्हायरल होत आहे. तसेच त्याचे चाहतेदेखील या फोटोवर बरीच प्रतिक्रिया देत आहेत. मिलिंद सोमण हे एक सर्वोत्कृष्ट मॉडेल आहे, तो तंदुरुस्तीसाठी खूप ओळखला जातो. सोशल मीडियावरही तो खूप सक्रिय असतो आणि त्याचे फोटो आणि व्हिडिओ शेअर करीत असतो.