मुंबई- अभिनेता कार्तिक आर्यन याने मंगळवारी राम माधवानी दिग्दर्शित थ्रिलर 'धमाका' या सिनेमातील आपल्या व्यक्तिरेखेची ओळख करून दिली. आर्यन याने जाहीर केले की त्याचा आगामी धमाका हा चित्रपट नेटफ्लिक्सवर स्ट्रिमिंग होणार आहे.
'धमाका'मध्ये, कार्तिक अर्जुन पाठक नावाच्या पत्रकाराच्या भूमिकेत आहे, जो मुंबईत झालेल्या दहशतवादी हल्ल्याचे थेट प्रक्षेपण करतो.
आर्यनने इन्स्टाग्रामवर या चित्रपटाचा टीझर शेअर केला आहे. हा चित्रपट येत्या उन्हाळ्यात रिलीज होणार आहे.
"मैं हूं # अर्जुन पाठक. जो भी कहूंगा सच कहुंगा (मी अर्जुन पाठक आहे. मी सत्य सांगेन आणि सत्यशिवाय काहीही बोलणार नाही)." धमाका लवकरच येत आहेत, फक्त नेटफ्लिक्सवर, "असे त्याने पोस्टमध्ये लिहिले आहे.
लोटा कल्चरवर्क, ग्लोबलगेट एंटरटेनमेंट आणि लायन्सगेट यांच्या संयुक्त विद्यमाने रोमा स्क्रूवाला यांच्या आरएसव्हीपी फिल्म्स आणि राम माधवानी फिल्म्स यांच्यावतीने 'धमाका' या चित्रपटाची निर्मिती होत आहे. यात आर्या या वेब सिरीजमध्ये काम केलेला अभिनेता विकास कुमार आणि विश्वजित प्रधान यांच्याही मुख्य भूमिका आहेत.
'धमाका' या चित्रपटाच्या प्रदर्शनाची तारीख अद्याप जाहीर केलेली नाही.
हेही वाचा - हॅप्पी बर्थ डे टायगर श्रॉफ : बागी ते रॅम्बो पर्यंतचा अॅक्शन प्रवास
