"ब्रम्हास्त्रचे रिलीज पुढे ढकलले, बॉलिवूडमधला खरा 'दबंग' सलमानच"

करण जोहरने ब्रम्हास्त्र चित्रपटाचे रिलीज पुढे ढकलले आहे. दबंग ३ चित्रपटाशी होणारी बॉक्स ऑफिसवरील टक्कर टाळण्यासाठी त्याने हा निर्णय घेतलाय.

मुंबई - सलमान खानच्या 'दबंग ३' चित्रपटाचे प्रदर्शन २० डिसेंबरला होणार आहे. या चित्रपटची टक्कर करण जोहरच्या 'ब्रम्हास्त्र'शी होणार असल्याची चर्चा होती. मात्र हा चित्रपट २७ डिसेंबरला प्रदर्शित होणार आहे. याबद्दल कमाल आर. खानने केलेले ट्विट सध्या व्हायरल झाले आहे.

कमाल खानने लिहिलंय, ''करण जोहरने 'ब्रम्हास्त्र'च्या रिलीज डेटमध्ये बदल केलाय. यामुळे सलमान खानच्या 'दबंग ३' शी होणारी टक्कर टळली आहे. आता 'ब्रम्हास्त्र' २७ डिसेंबरला रिलीज होईल. यातून हे सिध्द होतंय, की सलमान खानच सर्वात मोठा स्टार आहे.''
अशा प्रकारे केआरकेने सलमान खानचे कौतुक केले आहे.

'दबंग ३'मध्ये सलमान खानसह सोनाक्षी सिन्हा प्रमुख भूमिकेत आहे. 'ब्रम्हास्त्र'मध्ये रणबीर कपूर, आलिया भट्ट आणि अमिताभ बच्चन यांच्या भूमिका आहेत.