सुशांत आत्महत्या प्रकरणी चौकशीला बोलवल्याच्या वृत्ताचे कंगनाने केले खंडन

सुशांतसिंह राजपूतच्या आत्महत्येनंतर अनेकांची चौकशी पोलीस करीत आहेत. आतापर्यंत २८ जणांचे जवाब नोंदवले गेले आहेत. या अंतर्गत कंगना रनौतचीही चौकशी होणार असल्याच्या बातमीचे तिच्या टीमने खंडन केले आहे.

मुंबई- सुशांतसिंह राजपूतच्या आत्महत्येनंतर अनेक दिग्गजांची चौकशी पोलीस करीत आहेत. याअंतर्गत अभिनेत्री कंगना रनौतची चौकशी होणार असल्याच्या बातमीचे कंगनाच्या टीमने खंडन केले आहे.

या बातमीवर प्रतिक्रिया देताना कंगनाच्या टीमने म्हटलंय, ''मुंबई पोलिसांच्या वतीने कंगनाकडे याबाबतील अशी कोणतीच गोष्ट झालेली नाही. मात्र असे काही असल्यास ती नक्कीच सहकार्य करेल.'' कंगनाने बॉलिवूडमधील घराणेशाहीवर बिनधास्त टीका अनेकवेळा केल्या आहेत. यामुळे ती नेहमी चर्चेतही राहिली आहे.

हेही वाचा - मनोज बाजपेयींनीही केला होता आत्महत्येचा विचार, मित्रांमुळे वाचला जीव

अभिनेता सुशांतसिंहच्या निधनानंतर कंगनाने व्हिडिओच्या माध्यमातून अनेक आरोप केले होते. सुशांतच्या मृत्यूला बॉलिवूडमधील घराणेशाही जबाबदार असल्याचे ती म्हणाली होती. यामुळे अनेक प्रश्न इंडस्ट्रीत निर्माण झाले आहेत.