मुंबई - ‘एक व्हिलन रिटर्न्स’ या चित्रपटाच्या शुटिंगला मुंबईत मार्च महिन्यात सुरुवात झाली होती. कोरोनामुळे बराच काळ याचे चित्रीकरण लांबणीवर पडले होते. परंतु शूटिंगला सुरुवातच झाल्यानंतर दिग्दर्शक मोहित सूरी खूपच उत्साही दिसत होता. आज या चित्रपटाचे शूटिंग संपल्याने त्याला मोठे समाधान झाले. सेटवरील कलाकार वटीम क्रूने केक पासून रॅपअप सेलेब्रिशन साजरे केले.
निरागस चेहरा आणि हॉट बॉडी यांचं अनोखं कॉम्बिनेशन असणारी दिशा पाटनी आणि हँडसम दिसणारा व हॉट बॉडी असणारा जॉन अब्राहम यांची पहिल्यांदाच जोडी जमलीय ‘एक व्हिलन रिटर्न्स’ मध्ये झळकणार आहे. हे दोघेही स्टार्स पडद्यावर आग लावताना दिसतील तसेच त्यांच्यातील हॉट केमिस्ट्री चित्रपटगृहातील गर्मी वाढविणारी असेल असे दिग्दर्शकाचे मत आहे. २०१४ साली आलेल्या व बॉक्स ऑफिसवर हिट ठरलेल्या ‘एक व्हिलन’ चा हा सिक्वेल असून आतापासूनच याची चर्चा सुरु झाली आहे, जॉन-दिशा कॉम्बिनेशनमुळे. त्यातच दिग्दर्शक, दोन्ही ‘व्हिलन’ चा, मोहित सूरी पडद्यावर रोमान्स इंटरेस्टिंग पद्धतीने दर्शविण्यासाठी प्रसिद्ध आहे.