'रूही अफ्जा'च्या सेटवरील जान्हवीचा फोटो आला समोर, उत्तराखंडमध्ये सुरू आहे शूटींग

काही दिवसांपूर्वीच या चित्रपटाच्या चित्रीकरणाला सुरूवात झाली असून आता या चित्रटाच्या सेटवरील जान्हवी कपूरचा फोटो समोर आला आहे. सध्या उत्तराखंडमध्ये या चित्रपटाचं चित्रीकरण सुरू आहे.

मुंबई- करण जोहरच्या धडक चित्रपटातून बॉलिवूडमध्ये पदार्पण करणारी अभिनेत्री जान्हवी कपूर आपल्या पहिल्या चित्रपटापासूनच चर्चेत राहिली. जान्हवी लवकरच कारगिल गर्ल चित्रपटातून प्रेक्षकांच्या भेटीला येणार आहे. या चित्रपटाच्या काही शेड्यूलचं चित्रीकरण पूर्ण झाल्यानंतर आता जान्हवीने हार्दिक मेहतांच्या 'रूही अफ्जा' चित्रपटाच्या चित्रीकरणाला सुरुवात केली आहे.

हा एक हॉरर कॉमेडी चित्रपट असणार असून यात जान्हवीसोबतच राजकुमार रावही मुख्य भूमिकेत झळकणार आहे. काही दिवसांपूर्वीच या चित्रपटाच्या चित्रीकरणाला सुरूवात झाली असून आता या चित्रटाच्या सेटवरील जान्हवी कपूरचा फोटो समोर आला आहे.

या फोटो आणि व्हिडिओमध्ये जान्हवी केशरी आणि हिरव्या रंगाच्या सलवार कमीजमध्ये दिसत असून तिचा हा साधा लूक चाहत्यांच्या पसंतीस उतरत आहे. सध्या उत्तराखंडमध्ये या चित्रपटाचं चित्रीकरण सुरू आहे. काही दिवसांपूर्वीच जान्हवीनं या चित्रपटाचं चित्रीकरण सुरू झालं असल्याची माहिती दिली होती. करने आ रहे हैं आपके अटेंशन को कब्जा, आज से शुरू होती हैं रूही अफ्झा, असं कॅप्शन देत तिनं क्लॅपबोर्डचा फोटो शेअर केला होता.

दिनेश विजन आणि म्रीघदीप सिंग लांबा यांची निर्मिती असलेल्या या चित्रपटाचं दिग्दर्शन हार्दिक मेहता करणार आहे. हा चित्रपट २०२० मध्ये २० मार्चला प्रदर्शित होणार आहे.