होळीच्या गाण्यावर थिरकणार जॅकलिन, 'बिग बॉस' फेम असीमसोबत दिसणार रोमॅन्टिक अंदाज

'मेरे अंगने मे' असे या गाण्याचे बोल आहेत. या गाण्यात असीम आणि जॅकलिनचा रोमॅन्टिक अंदाज पाहायला मिळेल.

मुंबई - होळीचा सण काहीच दिवसांवर आला आहे. या होळीच्या रंगात सर्वांना रंगवण्यासाठी जॅकलिन फर्नांडिस आणि 'बिग बॉस' फेम असीम रियाज यांचे एक नवे गाणे प्रेक्षकांच्या भेटीला येणार आहे. ९ मार्चला हे गाणं प्रदर्शित होणार आहे. जॅकलिनने या गाण्याचे पहिले पोस्टर सोशल मीडियावर पोस्ट केले आहे.

जॅकलिन आणि असीम या गाण्याच्या निमित्ताने पहिल्यांदा एकत्र गाण्यात झळकणार आहेत. 'मेरे अंगने मे' असे या गाण्याचे बोल आहेत. या गाण्यात असीम आणि जॅकलिनचा रोमॅन्टिक अंदाज पाहायला मिळेल.

हेही वाचा -आंतरराष्ट्रीय महिला दिवस : बॉलिवूड कलाकारांनी दिल्या शुभेच्छा

असीम रियाज हा 'बिग बॉस १३' मध्ये रनरअप ठरला होता. या शोमधून त्याला प्रचंड लोकप्रियता मिळाली आहे. आता जॅकलिनसोबत त्याला गाण्यात भूमिका साकारण्याची संधी मिळाली आहे.

या गाण्याला तनिष्क बागचीने कंपोझ केले आहे. नेहा कक्कड आणि राजा हसन यांनी हे गाणे गायले आहे. तर, राधिका राव आणि विनय सप्रू यांनी या गाण्याला दिग्दर्शित केले आहे. तर, वायु यांनी या गाण्याला शब्दबद्ध केले आहे.

हेही वाचा -२०२० मध्ये बॉलिवूडवर राज्य करणार या महिला