मुंबई- अभिनेता अर्जून कपूरच्या बहुप्रतिक्षीत 'इंडियाज मोस्ट वॉन्टेड' चित्रपटाचा ट्रेलर प्रदर्शित करण्यात आला आहे. अर्जून कपूरने आपल्या ट्विटर अकाऊंटवरून नुकताच हा ट्रेलर शेअर केला आहे. यात ५ खऱ्या हिरोंच्या कथेचा भाग असल्याचा मला अभिमान असल्याचे म्हणत अर्जूनने हा व्हिडिओ शेअर केला आहे.
अर्जूनच्या 'इंडियाज मोस्ट वॉन्टेड'चा ट्रेलर प्रदर्शित, ५ खऱ्या हिरोंची कथा
भारतावर होणाऱ्या हल्ल्यांत अनेक निष्पापांचे जाणारे जीव थांबवण्यासाठी ५ लोकांच्या टीमने उचलेलं पाऊल आणि सर्वात क्रुर गुन्हेगार ओसामाला पकडण्यासाठी कोणत्याही हत्यारांविना चाललेली या टीमची धडपड या ट्रेलरमध्ये पाहायला मिळते.
'इंडियाज मोस्ट वॉन्टेड'चा ट्रेलर प्रदर्शित
भारतावर होणाऱ्या हल्ल्यांत अनेक निष्पापांचे जाणारे जीव थांबवण्यासाठी ५ लोकांच्या टीमने उचलेलं पाऊल आणि सर्वात क्रुर गुन्हेगार ओसामाला पकडण्यासाठी कोणत्याही हत्यारांविना चाललेली या टीमची धडपड या ट्रेलरमध्ये पाहायला मिळते.
शेवटी ही टीम या गुन्हेगाराला शोधण्यात यशस्वी ठरेल का? याबद्दलची उत्कंठा वाढवणारा हा ट्रेलर आहे. या चित्रपटाचे दिग्दर्शन राज कुमार गुप्ता यांनी केले आहे. तर फॉक्स स्टार स्टुडिओज अंतर्गत या चित्रपटाची निर्मिती करण्यात आली आहे. २४ मे २०१९ ला हा चित्रपट चित्रपटगृहात झळकणार आहे.