मुंबई - अकादमी पुरस्कार विजेते गीतकार गुलजार आणि संगीतकार ए आर रहमान पुन्हा एकदा उद्योगपती सुब्रत रॉय यांच्या बायोपिकमध्ये एकत्र काम करणार आहेत. हा चित्रपट सहारा समूहाच्या अध्यक्षांच्या जीवनावर आधारित असेल. या चित्रपटाची निर्मिती संदीप सिंह यांच्या लीजेंड ग्लोबल स्टुडिओच्या बॅनरखाली होणार आहे.
या चित्रपटाद्वारे गुलजार आणि रहमानची जोडी पुन्हा एकदा प्रेक्षकांचे मनोरंजन करेल. याआधी या जोडीने 'दिल से', 'गुरु', 'युवराज' आणि ऑस्कर विजेते 'स्लमडॉग मिलियनेअर' सारख्या चित्रपटांची गाणी केली होती आणि मंत्रमुग्ध करणाऱ्या संगीताने प्रेक्षकांची मने जिंकली होती.
रहमानसोबत पुन्हा एकदा काम करीत असलेले गुलजार म्हणाले की, त्याच्यासोबत काम करणे खूप शानदार असेल. 87 वर्षीय गुलजार यांनी एका निवेदनात म्हटले आहे की, "सुब्रत रॉय यांचे जीवन रहस्यमय आणि प्रेरणादायी आहे. रहमान एक अद्भुत कलाकार आणि संगीतकार आहे आणि मी त्याच्याबरोबर काम करण्यास खूप उत्सुक आहे.''