दिग्दर्शक महेश मांजरेकर यांना वाढदिवसाची मिळाली अनोखी 'व्हाईट' भेट

महेश मांजरेकरांचा आज वाढदिवस आहे. यानिमित्ताने संदिप सिंग आणि राज शांडिल्य ('ड्रीम गर्ल'चे दिग्दर्शक) यांनी नव्या सिनेमाची घोषणा केली आहे. चित्रपटाचे शीर्षक 'व्हाईट' असेल. हा सिनेमा 2022 च्या दसऱ्यामध्ये रिलीज होईल.

मुंबई- दिग्गज अभिनेता, निर्माता आणि दिग्दर्शक महेश मांजरेकर यांचा आज 63 वा वाढदिवस साजरा होतोय. निर्माता संदिप सिंग आणि राज शांडिल्य यांनी महेश यांना वाढदिवसाची अनोखी भेट दिली आहे. व्हाईट या आगामी चित्रपटाचे दिग्दर्शन करण्याची संधी त्यांनी महेश मांजरेकर यांना दिली आहे.

ट्रेड अॅनालिस्ट तरण आदर्श यांनी आपल्या ट्विटरवरुन ही माहिती दिली आहे. सोबत या सिनेमाचे पोस्टरही रिली करण्यात आले आहे.

तरण आदर्श यांनी ट्विटरवर लिहिलंय, ''संदिप सिंग आणि राज शांडिल्य यांनी हातमिळवणी केली असून महेश मांजरेकर चित्रपटाचे दिग्दर्शन करणार आहेत. मांजरेकरांचा आज वाढदिवस आहे. यानिमित्ताने संदिप सिंग आणि राज शांडिल्य ('ड्रीम गर्ल'चे दिग्दर्शक) यांनी नव्या सिनेमाची घोषणा केली आहे. चित्रपटाचे शीर्षक 'व्हाईट' असेल. हा सिनेमा 2022 च्या दसऱ्यामध्ये रिलीज होईल.''

महेश मांजरेकरांच्या आगामी प्रोजेक्टचा विचार करता बिग बॉस मराठीच्या तिसऱ्या सिझनची घोषणा कलर्स मराठी वाहिनीने केली आहे. एन्डमॉल शाईन इंडियाची निर्मिती असलेल्या या शोचे सूत्रसंचालन महेश मांजरेकर करणार आहेत.

तसेच निर्माते संदीप सिंह आणि अमित वाधवानी “स्वातंत्र्यवीर सावरकर” या सिनेमाची निर्मिती करणार आहेत. सिनेमाचे संगीत हितेश मोदक आणि श्रेयस पुराणिक करतील. महत्त्वाचे म्हणजे सिनेमाचे चित्रीकरण लंडन, अंदमान, आणि महाराष्ट्रातील वेगवेगळ्या ठिकाणी केले जाणार आहे. काळ्या पाण्याची शिक्षा भोगत असताना सावरकरांनी समुद्रात मारलेला सूर आणि सेंट्रल जेलमधील प्रसंग अंदमान येथे चित्रित होतील.

हेही वाचा -इंडियन आयडॉलची दुसरी रनरअप 'सायली कांबळे' कोण आहे?