मुंबई- आलिया भट्टचा आगामी चित्रपट 'गंगूबाई काठियावाडी'चा ट्रेलर येताच खळबळ उडाली होती. ट्रेलरमधील आलियाचा लूक आणि अभिनयामुळे लोकांमध्ये हा चित्रपट पाहण्यासाठी उत्सुकता निर्माण झाली आहे. आता 10 फेब्रुवारीला 'ढोलिडा' चित्रपटाचे पहिले गाणे रिलीज झाले आहे. गाण्यात आलिया भट्टचा 'गरबा डान्स' अवतार पाहायला मिळत आहे. याआधी ९ फेब्रुवारीला या गाण्याचा टीझर प्रदर्शित झाला होता.
आलिया भट्टने बुधवारी तिच्या इन्स्टाग्रामवर 'गंगूबाई काठियावाडी' चित्रपटातील 'ढोलिडा' या पहिल्या गाण्याचा टीझर शेअर केला होता. आलियाने पोस्टच्या कॅप्शनमध्ये सांगितले होते की, हे गाणे गुरुवारी (10 फेब्रुवारी) रिलीज होणार आहे. यासोबतच चित्रपटाच्या रिलीज डेटचीही आठवण तिने करुन दिली आहे.
या गाण्याचे बोल कुमार यांनी लिहिले असून हे गाणे जान्हवी श्रीमंकर आणि शेल हाडा यांनी गायले आहे. क्रिती महेशने या गाण्याचे नृत्यदिग्दर्शन केले आहे. चित्रपटातील संगीत संजय लीला भन्साळी यांचे आहे.
हेही वाचा -Amol Palekar In Hospitalized : अमोल पालेकर रुग्णालयात, आरोग्याबाबत समोर आली 'ही' महत्वाची माहिती