मुंबई- अभिनेता सैफ अली खान आणि अर्जुन कपूर यांचा 'भूत पोलिस' आणि अमिताभ बच्चन, इमरान हाश्मी यांच्या भूमिका असलेला 'चेहरे' हा चित्रपट कोणत्या तारखेला थिएटरमध्ये झळकणार याची घोषणा निर्मात्यांनी केली आहे.
बच्चन आणि हाश्मीने इन्स्टाग्रामवर जाऊन चित्रपटाच्या रिलीजची तारीख तसेच पहिला लूक शेअर केला आहे. “खऱ्या चेहऱ्याचा पर्दाफाश करा. ३० एप्रिल रोजी थिएटरमध्ये बहुप्रतिक्षित गूढ-थ्रिलर” असे या दोन्ही अभिनेत्यांनी आपल्या पोस्टमध्ये लिहिले आहे.
आनंद पंडित मोशन पिक्चर्स आणि सरस्वती एंटरटेनमेंट प्रायव्हेट लिमिटेड यांनी 'चेहरे' हा चित्रपट बनवला आहे. हा चित्रपट यापूर्वी जुलै २०२० मध्ये प्रदर्शित होणार होता. पण कोरोनाव्हायरस साथीच्या आजारामुळे त्याचे रिलीज पुढे ढकलण्यात आले होते. 'चहेरे' हा अमिता बच्चन यांचा २०२० मध्ये रिलीज होणारा पहिला चित्रपट आहे. 'सैराट' चित्रपटाचे दिग्दर्शक नागराज पोपटराव मंजुळे यांच्या 'झुंड'मध्ये अमिताभ यांची प्रमुख भूमिका असून हा चित्रपट येत्या १८ जूनला येत आहे.