'दिल से थँक्यू' : कोरोना विषाणूला रोखण्यासाठी मेहनत घेणाऱ्या सर्वांचे कलाकारांनी मानले आभार

दररोज कोरोना रुग्णांच्या संख्येत वाढ होत आहे. अशा परिस्थितीत पोलीस यंत्रणा, वैद्यकीय कर्मचारी, अन्न पुरवठा करणारे कामगार आणि कोरोना विषाणूला रोखण्यासाठी मेहनत घेणाऱ्या सर्वांचे बॉलीवूड कलाकारांनी आभार मानले आहेत.

मुंबई -कोरोना विषाणूने जगभरात आपली दहशत माजवली आहे. सर्व जग सध्या कोरोना विषाणूचा प्रादुर्भाव रोखण्याचा प्रयत्न करत आहे. भारतातही या विषाणूने थैमान घातले आहे. दररोज कोरोना रुग्णांच्या संख्येत वाढ होत आहे. अशा परिस्थितीत पोलीस यंत्रणा, वैद्यकीय कर्मचारी, अन्न पुरवठा करणारे कामगार आणि कोरोना विषाणूला रोखण्यासाठी मेहनत घेणाऱ्या सर्वांचे बॉलीवूड कलाकारांनी आभार मानले आहेत.

'दिल से थँक्यू' असे पोस्टर तयार करून अक्षय कुमार, मनीष पॉल, करिश्मा कपूर, इशान खट्टर, वरून धवन, अनन्या पांडे, कॅटरीना कैफ, विकी कौशल, शिल्पा शेट्टी कुंद्रा यांनी सोशल मीडियाच्या माध्यमातून पोस्ट शेअर केल्या आहेत.

यापूर्वी, हृतिक रोशन, माधुरी दिक्षित, अनिल कपूर, अजय देवगन आणि दिग्दर्शक करण जोहर यांनी देखील सर्वांचे आभार मानले आहेत.