मुंबई - आज शिक्षक दिनानिमित्त अनेकजणांनी आयुष्यात योग्य मार्गावर घेऊन जाणाऱ्या आणि अनेक धडे शिकवणाऱ्या आपल्या गुरुंना शिक्षक दिनाच्या शुभेच्छा दिल्या आहेत. अनेक कलाकारांनीही गुरुप्रतीच्या आपल्या भावना सोशल मीडियाच्या माध्यमातून व्यक्त केल्या आहेत.
हेही वाचा - चुकांमधूनच शिकत गेलो, साहोच्या दिग्दर्शकाची भावनिक पोस्ट
सुशांत सिंगने नितेश तिवारी यांच्यासोबतचा आपला एक फोटो शेअर केला आहे. याला दिलेल्या कॅप्शनमध्ये सुशांत म्हणाला, काल (बुधवारी) रात्री झालेल्या छिछोरेच्या स्क्रीनिंगमध्ये प्रिय मित्र, मोठा भाऊ, उत्तम दिग्दर्शक आणि आवडत्या गुरुंसोबत. चार गोष्टी एकाच व्यक्तीत, नितेश तिवारी जी. शिक्षक दिनाच्या शुभेच्छा सर.
तर अभिनेत्री श्रद्धा कपूरनेही ट्विट शेअर करत म्हटलं, खूप साऱ्या शिक्षकांकडून आजपर्यंत खूप साऱ्या गोष्टी शिकल्या. या सर्वांची आभारी आहे. शिक्षक दिनाच्या शुभेच्छा. तर पुजा भट्टनंही महेश भट्ट यांचा फोटो शेअर करत, त्यांना शिक्षक दिनाच्या शुभेच्छा दिल्या आहेत.
हेही वाचा - ६ दिवसात 'साहो'नं पार केला ३०० कोटींचा आकडा