मुंबई- चित्रपट निर्माती एकता कपूर सध्या चांगलीच चर्चेत आली आहे. कारण आहे ट्रीपल एक्स वेबसीरिज. या वेबसीरिजमधील एका सीनवर अनेकांनी आक्षेप घेतला आहे. यातून एकताने भारतीय सैनिकांचा अपमान केल्याचे म्हटले जात आहे. एकताला सोशल मीडियावर नेटकऱ्यांनी धारेवर धरले आहे. अशात आता भाजप नेते आंचल अवाना यांनी एकता कपूरविरोधात तक्रार दाखल केली आहे
अवाना यांनी जयपूरच्या भट्टा बस्ती पोलीस ठाण्यात यासंबंधी तक्रार दाखल केली आहे. अवाना म्हणाले, की या वेबसीरिजमधून एका सैनिकाच्या कुटुंबाचे चुकीच्या पद्धतीने चित्रीकरण केले गेले आहे. सैनिकाच्या पत्नीचे चारित्र्य वाईट दाखवले गेले आहे. याच कारणामुळे अनेकांनी याबद्दल संताप व्यक्त केला आहे.