मुंबई - बॉलिवूड अभिनेता अमिताभ बच्चन मुंबईच्या नानावटी रुग्णलयात दाखल आहेत. तिथे त्यांच्यावर कोरोनासंदर्भातील उपचार सुरू आहेत. यादरम्याने ते सोशल मीडियावर नेहमी सक्रिय असतात. आपल्या आरोग्याशी संबंधित अपडेट्स ते चाहत्यांना कळवीत असतात. त्यांच्यासाठी प्रार्थना करणाऱ्या, शुभेच्छा देणाऱ्यांचे ते नियमित आभार मानत असतात. चाहत्यांशिवाय त्यांनी यापूर्वी डॉक्टर्स आणि नर्सेस यांचेही आभार मानले होते.
अलिकडे त्यांनी वडील हरिवंशराय बच्चन यांनी लिहिलेली एक कविता शेअर केली आहे. अमिताभ यांनी कवितेशिवाय एक पेन्सिल स्केचही शेअर केले आहे. यातील एक चित्र मास्क घातलेल्या आरोग्य कर्मचाऱ्याचे असून दुसरे अमिताभ यांचे आहे. बाबूंजींची ही कविता त्यांनी आरोग्य कर्मचाऱ्यासाठी शेअर केली आहे.