भूमी निघाली लखनौला, कार्तिक-अनन्यासोबत या चित्रपटाचं करणार शूटींग

लखनौमधील बाला चित्रपटाचं चित्रीकरण पूर्ण केल्यानंतर भूमी पुन्हा एकदा आगामी चित्रपटासाठी लखनौला जाणार आहे. पुन्हा एकदा लखौनकडे येत आहे. मात्र, यावेळी पती पत्नी और वोसाठी असं तिनं आपल्या फोटोसोबत दिलेल्या कॅप्शनमध्ये म्हटलं आहे.

मुंबई- भूमी पेडणेकर सध्या आपल्या चित्रपटांच्या चित्रीकरणात चांगलीच व्यग्र आहे. 'सांड की आँख' आणि अमर कौशिकचं दिग्दर्शन असलेल्या 'बाला' चित्रपटाचं चित्रीकरण पूर्ण करताच ती आता आपल्या आगामी चित्रपटासाठी लखनौला निघाली आहे. एअरपोर्टवरील आपला एक फोटो शेअर करत भूमीने याबद्दलची माहिती दिली आहे

'पती पत्नी और वो' असं शीर्षक असलेल्या या चित्रपटात ती कार्तिक आर्यन आणि अनन्या पांडे यांच्यासोबत स्क्रीन शेअर करताना दिसणार आहे. लखनौमधील बाला चित्रपटाचं चित्रीकरण पूर्ण केल्यानंतर भूमी पुन्हा एकदा आगामी चित्रपटासाठी लखनौला जाणार आहे. पुन्हा एकदा लखौनकडे येत आहे. मात्र, यावेळी पती पत्नी और वोसाठी असं तिनं आपल्या फोटोसोबत दिलेल्या कॅप्शनमध्ये म्हटलं आहे.

भूमी निघाली लखनौला

'पती पत्नी और वो'मधील भूमिका माझ्या खऱया आयुष्यासोबत मिळतीजुळती असल्याचे भूमीने म्हटले आहे. तिच्यात खूप सारा आत्मविश्वास आहे, लोकांवर प्रभाव पाडणारी आहे, एक तरूण मुलगी आहे, तिचं एक ध्येय आहे, तिला आयुष्यात खूप मोठ्या गोष्टी करायच्या आहेत, तिच्या याच गोष्टी मला माझ्या आयुष्याशी मिळणाऱ्या वाटतात, असं भूमीनं म्हटलं आहे.

दरम्यान, हा चित्रपट १९७८ मध्ये आलेल्या 'पती पत्नी और वो' चित्रपटाचा रिमेक असणार आहे. या चित्रपटाचं दिग्दर्शन मुद्दसर अजीज करणार आहे. हा चित्रपट येत्या ६ डिसेंबरला प्रेक्षकांची मने जिंकण्यासाठी येत आहे.