महाराष्ट्र

maharashtra

सलमान खानसोबत झळकलेल्या 'या' अभिनेत्रीच्या मुलाने 'बिग बॉस'मध्ये लावली हजेरी

By

Published : Feb 7, 2020, 1:06 PM IST

'बिग बॉस'च्या अकराव्या पर्वात बॉलिवूडचे बरेच कलाकार आपल्या चित्रपटाच्या प्रमोशनसाठी या शोमध्ये हजेरी लावत असतात.

Abhimanyu Dassani meet Salman Khan at Bigg Boss house, Abhimanyu Dassani upcoming film Nikamma, Nikamma film promotion in Bigg Boss house, Bhagyashree's son Abhimanyu news,
सलमान खानसोबत झळकलेल्या 'या' अभिनेत्रीच्या मुलाने 'बिग बॉस'मध्ये लावली हजेरी

मुंबई -बॉलिवूडचा भाईजान सलमान खान हा सध्या छोट्या पडद्यावरील 'बिग बॉस'च्या अकराव्या पर्वाचं सूत्रसंचालन करत आहे. हा शो नेहमीच त्यातील स्पर्धकांच्या वादांमुळे चर्चेत असतो. बऱ्याच नवनवीन टास्कचाही यामध्ये समावेश करण्यात आला आहे. त्यामुळे हा शो चाहत्यांमध्ये लोकप्रिय आहे. बॉलिवूडचे बरेच कलाकार देखील आपल्या चित्रपटाच्या प्रमोशनसाठी या शोमध्ये हजेरी लावत असतात. आता या शोच्या आगामी भागात सलमान खानसोबत 'मैने प्यार किया' चित्रपटात मुख्य भूमिकेत दिसलेली अभिनेत्री भाग्यश्रीचा मुलगा अभिमन्यू दस्सानी हा देखील हजेरी लावणार आहे.

अभिमन्यूने 'मर्द को दर्द नही होता' या चित्रपटातून बॉलिवूडमध्ये पदार्पण केले. यामध्ये त्याच्यासोबत अभिनेत्री राधिका मदन देखील झळकली होती. मात्र, हा चित्रपट बॉक्स ऑफिसवर फार अशी कमाल दाखवू शकला नाही. आता पुन्हा एकदा तो अभिनेत्री शिल्पा शेट्टीसोबत 'निकम्मा' चित्रपटातून प्रेक्षकांच्या भेटीला येणार आहे. याच चित्रपटाच्या प्रमोशनसाठी दोघेही 'बिग बॉस'मध्ये स्पर्धकांना भेटण्यासाठी येणार आहेत.

हेही वाचा -रणवीरच्या 'जयेशभाई जोरदार'चे शूटिंग पूर्ण, शेअर केला फोटो

याबाबत बोलताना अभिमन्यूने सांगितले, 'सलमान खानने मला नेहमीच व्यावसायिक चित्रपटांसाठी प्रेरणा दिली आहे. आता मी 'निक्कम्मा' चित्रपट घेऊन येत आहे. याचसाठी मी सलमान खानच्या शो मध्ये जाऊन त्याला हा चित्रपट पाहण्यासाठी निमंत्रण देणार आहे'.

अलीकडेच सलमान आणि भाग्यश्रीच्या 'मैने प्यार किया' या चित्रपटाला ३० वर्षे पूर्ण झाली आहेत. या चित्रपटात सलमान आणि भाग्यश्रीची खास केमिस्ट्री पाहायला मिळाली होती. या चित्रपटातील गाणीही सुपरहिट झाली होती. अभिमन्यूने यामधील काही सीन रिक्रियेटही केले होते.

हेही वाचा -खऱ्या आयुष्यात विकीला 'या' गोष्टींची वाटते भीती, पाहा 'भूत'चा मेकिंग व्हिडिओ

'निकम्मा' चित्रपटात अभिमन्यूसोबत यू ट्यूब सेंसेशन शिर्ले देखील दिसणार आहे. तिचा हा पहिलाच पदार्पणीय चित्रपट आहे. सब्बीर खान यांनी या चित्रपटाचे दिग्दर्शन केले आहे. तर, सोनी पिक्चर्स इंटरनॅशनल प्रोडक्शन आणि सब्बीर खान फिल्म्सच्या अंतर्गत या चित्रपटाची निर्मिती करण्यात आली आहे. ५ जूनला हा चित्रपट प्रदर्शित होणार आहे.

For All Latest Updates

ABOUT THE AUTHOR

...view details