टायगर श्रॉफच्या अ‌ॅक्शनची चित्रपटगृहात जादू, पहिल्याच दिवशी 'बागी ३'ने कमावले इतके कोटी

तब्बल ४ हजार ४४० स्क्रिन्सवर हा चित्रपट झळकला आहे. त्यामुळे पहिल्याच दिवशी या चित्रपटाने दमदार ओपनिंग केली आहे.

मुंबई -अभिनेता टायगर श्रॉफ, श्रद्धा कपूर, रितेश देशमुख आणि अंकिता लोखंडे यांच्या मुख्य भूमिका असलेला 'बागी ३' हा चित्रपट सिनेमागृहात प्रदर्शित झाला आहे. पहिल्याच दिवशी टायगरच्या अ‌ॅक्शनने प्रेक्षकांवर छाप पाडली आहे. तब्बल ४ हजार ४४० स्क्रिन्सवर हा चित्रपट झळकला आहे. त्यामुळे पहिल्याच दिवशी या चित्रपटाने दमदार ओपनिंग केली आहे.

'बागी ३' ने पहिल्याच दिवशी १७ कोटीची कमाई केली आहे. या चित्रपटाने त्याच्या पूर्वीच्या चित्रपटाचे रेकॉर्ड मोडले आहेत. 'बागी'ची पहिल्या दिवशीची कमाई ११.९४ कोटी तर 'बागी २' ची कमाई २५.१० कोटी इतकी होती. यावर्षाच्या सुरुवातीलाच प्रदर्शित झालेल्या चित्रपटांच्या पहिल्या दिवशीच्या कमाईच्या तुलनेत 'बागी ३'चे स्थान अव्वल आहे.

हेही वाचा -'बडे मिया तो बडे मिया, छोटे मिया सुभान अल्लाह', पाहा बिग बींसह अभिषेकचा खास लुक

अहमद खान यांनी या चित्रपटाचे दिग्दर्शन केले आहे. तर, साजीद नादियाडवाला यांनी या चित्रपटाची निर्मिती केली आहे. आता दोघे मिळून पुन्हा 'हिरोपंती २' या चित्रपटासाठी एकत्र आले आहेत. टायगर श्रॉफ यामध्ये मुख्य भूमिकेत दिसणार आहे.

हेही वाचा -एकेकाळी भाडे देऊन राहणाऱ्या नेहाने घेतला स्वत:चा बंगला, शेअर केली आठवण