'द कसीनो' या थ्रिलर वेब सिरीजवर प्रेक्षकांसह सेलेब्जही फिदा

द कॅसिनो या नव्या वेब सिरीजला झी ५ वर प्रेक्षकांनी उत्स्फूर्त प्रतिसाद दिलाय. प्रेक्षकांसोबतच फिल्म इंडस्ट्रीतील अनेकांनी आपल्या प्रतिक्रिया देत मालिकेचे कौतुक केलंय.

मुंबई -झी५ वरील बहुप्रतिक्षित 'द कसीनो' ही थ्रिलर वेब सिरीज अखेर रिलीज झाली आहे. याला जबरदस्त प्रतिक्रिया मिळत आहेत. 'द कसीनो' ही मालिका प्रेक्षकांच्या पसंतीस उतरताना दिसत आहे. प्रेक्षकांशिवाय बॉलिवूड सेलेब्जनाही ही वेब सिरीज आवडल्याचे म्हटलंय. सोशल मीडियावरुन ते आपल्या प्रतिक्रिया देत आहेत. सुनिल शेट्टीने सुधांशू पांडेचे कौतुक करताना लिहिलंय, 'ऑल द बेस्ट.. छान दिसत आहेस!'

नील नितिन मुकेशने सुधांशु पांडेबद्दल लिहिलंय, ''माझ्या प्रिय भावाला नवा शो लॉन्च केल्याबद्दल ऑल दि बेस्ट! तुमच्या डोक्यावर किती पांढरे केस आहेत, याने काही फरक पडत नाही. तू कधीही वयस्कर वाटत नाहीस. नेहमीप्रमाणे छान दिसत आहेस.''

भारती सिंह आणि गीता कपूरनेही सर्वांना १२ जूनपासून सुरू झालेली ही मालिका पाहण्याचे आवाहन केले आहे.

फिल्म इंडस्ट्रीतील अनेकांकडून मालिकेला उत्तम प्रतिसाद मिळत आहे. दहा भागांची ही मालिका एक श्रीमंत परंतु विनम्र असलेल्या विक्की या मुलीभोवती फिरताना दिसते. अरबो डॉलरची संपत्ती असलेल्या वडिलांच्या कसिनोची ती वारसदार आहे. या मालिकेत एका उच्चभ्रू समाजाचे रहस्य आणि षढयंत्र याचा उलगडा यात पाहायला मिळतो.

'द कॅसिनो' या वेब सिरीजमध्ये करणवीर बोहरा, सुधांशु पांडे आणि मंदाना करीमी यांच्या प्रमुख भूमिका आहेत. हार्दिक गज्जर यांनी या मालिकेचे दिग्दर्शन आणि निर्मिती केली आहे.