विजय देवराकोंडाने स्तुती करताच 'लाजली' अनन्या पांडे!!

लायगर या आगामी चित्रपटात अनन्या पांडे दाक्षिणात्य हिरो विजय देवराकोंडासोबत काम करीत आहे. ती सुंदर आहे, खूप मेहनती आहे आणि खरोखर मनापासून काम करते, असे म्हणत विजयने तिचे कौतुक करताच अनन्या पांडे खूप लाजली.

मुंबई - अभिनेत्री अनन्या पांडेने आतापर्यंत तीनच चित्रपट केलेत. ‘स्टुडन्ट ऑफ द ईयर २’ मधून बॉलिवूडमध्ये पदार्पण करणाऱ्या अनन्याने ‘पती पत्नी और वो’ मधून आपल्या नैसर्गिक अभिनयाची चुणूक दाखविली होती. गेल्या वर्षी फार कमी कलाकारांचे चित्रपट प्रदर्शित झाले त्यात अनन्याचा नंबर लागतो. तिचा ईशान खट्टर सोबतचा ‘खाली पिली’ हा चित्रपट डिजिटली प्रदर्शित झाला व त्याला बऱ्यापैकी रिस्पॉन्सही मिळाला. ती विजय देवेरकोंडासोबत एका चित्रपटात काम करतेय, जो पाच भाषांमध्ये प्रदर्शित होणार आहे. ‘लायगर’ असे नाव असलेल्या चित्रपटाची प्रदर्शन तारीख नुकतीच घोषित करण्यात आली. ९ सप्टेंबर २०२१ ला तो जगभरात रिलीज होणार आहे.

अनन्या पांडे

अनन्या स्वतःला भाग्यवान मुलगी समजते कारण एवढ्या कमी वेळात तिला उत्तमोत्तम चित्रपट करण्याची संधी मिळतेय. तिचा ‘लायगर’मधील हिरो विजय देवेरकोंडा हा दाक्षिणात्य चित्रपटसृष्टीतील खूप मोठे नाव आहे. नुकत्याच एका आघाडीच्या मनोरंजन संकेतस्थळाला दिलेल्या मुलाखतीत विजयने आपल्या 'मजेदार' सहकलाकारांबद्दल सांगितले की, “अनन्या सुंदर आहे, खूप मेहनती आहे आणि खरोखर मनापासून काम करते. ती एक ‘फन’ को-स्टार आहे.” हे कळल्यावर अनन्या पांडे खूप लाजली.

लायगर पोस्टर

त्या दोघांतही या चित्रपटात उत्तम केमिस्ट्री आहे ही एक निश्चित गोष्ट आहे. अनन्या आणि विजय दोघेही प्रचंड फॅन-बेस असलेले अभिनेते आहेत आणि त्यांची जोडी कमल करेल याबद्दल दुमत नाही. अनन्याची तरूण-प्रतिमा आहे. ती एका ‘युथ-आयकॉन’ आहे. इतक्या कमी कालावधीत तिने नाव कमावले आहे व तरुणाईची ती चाहती अभिनेत्री आहे. ‘ट्रोलर्स’ना कसे गप्प करायचे हे तिला उत्तम कळते व त्यासाठी तिचे अनुसरण करताना अनेकांना ती प्रेरणादायी वाटते.

अनन्या पांडे

ती दोन बिग बजेट चित्रपटांवर काम करत आहे, एक तर हा पुरी जगन्नाथ दिग्दर्शित पॅन-इंडिया चित्रपट ‘लायगर’ आहे, तर दुसरा सिद्धांत चतुर्वेदी आणि दीपिका पादुकोण यांच्यासमवेत शकुन बत्रा दिग्दर्शित, अजून नाव न ठरलेला, चित्रपट आहे.