माऊली निघाले पंढरपूरा, मुखाने विठ्ठल विठ्ठल बोला; बिग बींनी दिल्या आषाढी एकादशीच्या शुभेच्छा

टाळ वाजे, मृदुंग वाजे वाजे हरीचा विणा, माऊली निघाले पंढरपूरा, मुखाने विठ्ठल विठ्ठल बोला, असे म्हणत अमिताभने आपल्या चाहत्यांना आषाढी एकादशीच्या शुभेच्छा दिल्या आहेत.

मुंबई- आषाढी एकादशीनिमित्त आज संपूर्ण महाराष्ट्रात विठ्ठलनामाचा गजर होत आहे. विठ्ठला चरणी लीन होण्यासाठी लाखोंच्या संख्येने वारकरी पंढरपूरमध्ये दाखल झाले आहेत. अशात आता बॉलिवूडचे महानायकही विठ्ठलाच्या नामघोषात रंगले आहेत.

अमिताभ यांनी अभंगाच्या काही ओळी आपल्या ट्विटर अकाऊंटवरून शेअर केल्या आहेत. टाळ वाजे, मृदुंग वाजे वाजे हरीचा विणा, माऊली निघाले पंढरपूरा, मुखाने विठ्ठल विठ्ठल बोला, असे म्हणत अमिताभने आपल्या चाहत्यांना आषाढी एकादशीच्या शुभेच्छा दिल्या आहेत.

यासोबतच दुसऱ्या ट्विटमध्ये, आषाढी एकादशीच्या पवित्र दिवशी, तुमच्या परिवाराला खूप खूप शुभेच्छा. विठ्ठल- रखुमाईची कृपा आपल्यावर सर्वांवर सदैव राहू दे हीच प्रार्थना, असे म्हणत अमिताभ यांनी विठ्ठल रखूमाईचा फोटोही शेअर केला आहे. त्यांच्या या खास मराठी शुभेच्छा चाहत्यांची मने जिंकत आहेत.