मुंबई - नुकताच प्रदर्शित झालेल्या 'दसवी' चित्रपटाच्या ट्रेलरमुळे बॉलिवूड अभिनेता अभिषेक बच्चन याच्या अभिनयाची प्रचंड प्रशंसा होत आहे आणि त्याचे वडील अमिताभ बच्चन हे त्याचे सर्वात नवीन प्रशंसक आहेत असे दिसते. गुरुवारी मेगास्टारने अभिषेकसाठी एक कौतुकाची पोस्ट ट्विट शेअर केली बिग बी यांनी अभिषेकला योग्य 'उत्तराधिकारी' असल्याचे सिद्ध झाले असल्याचे म्हटले आहे. 'दसवी'च्या ट्रेलरची लिंक शेअर करताना अमिताभ यांनी त्यांचे वडील, लेखक-कवी हरिवंशराय बच्चन यांचा उल्लेख केला आणि लिहिले, "मेरे बेटे, बेटे होने से तुम मेरे उत्तराधिकारी नहीं होंगे. जो मेरे उत्तराधिकारी होंगे, वो मेरे बेटे होंगे - हरिवंश राय बच्चन. अभिषेक, तुम मेरे उत्तराधिकारी होंगे, बस कह दिया तो कह दिया." वडिलांनी ट्विटरवर केलेल्या कौतुकाला उत्तर देताना अभिषेकने लिहिले की, "लव्ह यू पा, नेहमी आणि अनंतकाळ."
Dasvi Trailer : अभिषेकच्या अभिनयावर अमिताभ प्रसन्न, म्हणाले तूच माझा 'उत्तराधिकारी' - अभिषेक बच्चनचा आगामी चित्रपट
'दसवी' चित्रपटाच्या नुकत्याच रिलीज झालेल्या ट्रेलरमुळे बॉलिवूड अभिनेता अभिषेक बच्चन याच्या अभिनयाची भरपूर प्रशंसा केली जात आहे. त्याची वडील बिग बी यांनीही त्याचे कौतुक केले आहे.
अभिषेकच्या अभिनयावर अमिताभ प्रसन्न
तुषार जलोटा दिग्दर्शितद 'दसवी' या चित्रपटाची कथा गंगा राम चौधरीची आहे. अशिक्षित, भ्रष्ट आणि एक गावठी राजकारणी असलेल्या या गंगारामला तुरुंगात असताना एक नवीन शिक्षणाचे आव्हान मिळते. अभिषेक व्यतिरिक्त सोशल कॉमेडी चित्रपटामध्ये यामी गौतम आणि निम्रत कौर यांच्याही भूमिका आहेत. गंगा राम चौधरीच्या पत्नी बिमला देवीची भूमिका निमरत साकारणार आहे, जिने पती तुरुंगात असताना मुख्यमंत्रिपद स्वीकारले आहे. यामी आयपीएस अधिकारी ज्योती देसवाल म्हणून चित्रपटात दिसेल. दिनेश विजन यांनी त्यांच्या मॅडॉक फिल्म्स, जिओ स्टुडिओज आणि बेक माय केक फिल्म्स या बॅनरखाली निर्मित, 'दसवी' 7 एप्रिल रोजी नेटफ्लिक्स इंडिया आणि जिओ सिनेमावर प्रदर्शित होईल.
हेही वाचा -इमरान हाश्मीने वाढदिवसानिमित्त चाहत्यांना दिली 'इश्क नही करते' गाण्याची भेट