अमिताभ बच्चन यांनी शेअर केला 'गुलाबो सिताबो'च्या सेटवरील हटके फोटो

अमिताभ बच्चन यांनी इंस्टाग्रामवर एक फोटो शेअर केलाय. फोटोमध्ये, बच्चन आपल्या आगामी 'गुलाबो सीताबो'च्या चित्रपटाच्या सेटवर भुवया ठिकठाक करताना दिसत आहेत. या चित्रपटात साकारत असलेल्या मिर्झा या व्यक्तीरेखेसाठी तयार होत असतानाचे अमिताभ यांचे हे रुप अनोखे आहे.

मुंबई - मेगास्टार अमिताभ बच्चन यांनी शुक्रवारी आपल्या आगामी विनोदी चित्रपट 'गुलाबो सीताबो'च्या सेटवरील पडद्यामागील काही फोटो शेअर केले आहेत.

७७ वर्षीय अमिताभ बच्चन यांनी इन्स्टाग्रामवर एक फोटो शेअर केलाय. शूटच्या आधी बिग बी टचअप करत असल्याचे दिसून येत आहे. फोटोमध्ये, बच्चन आपल्या आगामी चित्रपटाच्या सेटवर भुवया ठिकठाक करताना दिसत आहेत. या चित्रपटात साकारत असलेल्या मिर्झा या व्यक्तीरेखेसाठी तयार होत असतानाचे अमिताभ यांचे हे रूप अनोखे आहे.

या फोटोसोबत पोस्टमध्ये अमिताभ यांनी लिहिलंय, ''भुवयांच्यामधील जागेला काय म्हणतात? तुम्हाला माहिती आहे का? याला ग्लाबेल्ला म्हणतात!!! शॉट सुरू करण्यापूर्वीचा हा गिबो सिबो टच अप आहे.''

अमिताभ यांच्या या पोस्टवर प्रतिक्रियांचा पाऊस पडत आहे. त्यांच्या फॉलोअर्ससह कॉमेडियन कपिल शर्मानेही याला लाईक केले आहे.

'गुलाबो सिताबो' हा चित्रपट १७ एप्रिलला थिएटरमध्ये रिलीज होणार होता. परंतु लॉकडाऊनमुळे थिएटर्स बंद असल्यामुळे रिलीज थांबवण्यात आले. आता हा चित्रपट ओटीटी प्लॅटफॉर्मवर १२ जूनला प्राईम व्हिडिओवर रिलीज होणार आहे.

'गुलाबो सिताबो'मध्ये अमिताभ बच्चन आणि आयुष्यमान खुराणा पहिल्यांदाच एकत्र स्क्रिन शेअर करीत आहेत.