मुंबई - अमिताभ बच्चन यांनी सोशल मीडियावर पोस्ट ( Amitabh Bachchan's post ) शेअर केली, ज्यामध्ये त्यांनी म्हटले आहे की, 'काम वाम सब बंद है... बस दाढी बढती जा रही है...' ही पोस्ट सोशल मीडियावर चांगली व्हायरल होत आहे.
अमिताभ बच्चन यांचे काम थांबले -
कोरोना विषाणूच्या तिसऱ्या लाटेत संक्रमित रुग्णांची संख्या सातत्याने वाढत आहे, त्यामुळे परिस्थिती आता धोकादायक पातळीवर पोहोचली आहे. कोरोना बाधित रुग्णांची संख्या दररोज अडीच लाखांच्या पुढे जात आहे, यावेळीही कोरोनाचा परिणाम रोजगारावर होताना दिसत आहे. त्याचवेळी, कोरोना विषाणूच्या तिसऱ्या लाटेचा परिणाम बॉलीवूडचे बादशाह अमिताभ बच्चन यांच्यावरही झालेले दिसत आहे. कारण अमिताभ बच्चन यांचे काम थांबले आहे, असे खुद्द अमिताभ बच्चन यांनी सोशल मीडियाच्या माध्यमातून त्यांच्या चाहत्यांना सांगितले आहे.