मुंबई - अमिताभ बच्चन यांचा दोन दशक जुना असलेला टीव्ही क्विझ शो 'कौन बनेगा करोडपती' अजूनही तितकाच लोकप्रिय आहे. शोचा 13 वा सिझनही तुफान कामगिरी करत आहे. चॅनलने शोच्या शुक्रवारच्या एपिसोडचा प्रोमो शेअर केला आहे. या शुक्रवारच्या शोमध्ये टीम इंडियाचे दोन दिग्गज खेळाडू हरभजन सिंग आणि इरफान पठाण दिसणार आहेत.
केबीसीचे रुपांतर क्रिकेटच्या मैदानात
चॅनलने आपल्या अधिकृत इंस्टाग्राम अकाउंटवर या शोची एक झलक प्रेक्षकांसोबत शेअर केली आहे. दोन मिनिटांच्या या व्हिडिओमध्ये टीम इंडियाचा डावखुरा वेगवान गोलंदाज इरफान पठाण आणि फिरकीपटू हरभजन सिंग शोचे होस्ट अमिताभ बच्चन यांच्यासमोर हॉट सीटवर बसलेले दिसत आहेत. इरफान पठाण शोमध्ये अमिताभ बच्चन यांना म्हणाला, 'आम्ही जगातील दिग्गज खेळाडूंसोबत खेळलो आहोत, परंतु एक दिग्गज राहिला आहे. यावर अमिताभ यांनी विचारले कोण? तर इरफान म्हणाला की तुम्ही. यानंतर शोचे रुपांतर क्रिकेटच्या मैदानात झाले.
त्याचवेळी हातात बॅट धरून अमिताभ बच्चन आपली पोझिशन घेतात आणि भज्जी दुसऱ्या टोकाला बॉलिंग करायला तयार होतो. या सामन्यात इरफान पठाण कॉमेंट्री करताना दिसत आहे. आश्चर्याची गोष्ट म्हणजे या सामन्यात बिग बींनी भज्जीच्या पहिल्या चेंडूवर चौकार आणि दुसऱ्या चेंडूवर षटकार ठोकला.
हरभजनने सांगितला सचिनचा किस्सा