मुंबई - बॉलिवूड मेगास्टार अमिताभ बच्चन सोशल मीडियावर खूप सक्रिय असतात. वेळोवेळी आपल्या प्रशंसकांसाठी आपल्या आयुष्याशी संबंधित गोष्टी शेअर करीत असतात. काही दिवसापूर्वीच त्यांनी कळवले होते, की आयन मुखर्जींच्या 'ब्रम्हास्त्र' चित्रपटाचे शूटींग त्यांनी पूर्ण केले आहे.
आता अमिताभ यांनी आपला एक फोटो सोशल मीडियावर शेअर केला आहे. याच्या कॅप्शनची सध्या खूप चर्चा आहे. व्हायरल झालेल्या या पोस्टमध्ये अमिताभ यांनी एक ब्लॅक अँड व्हाईट फोटो शेअर केलाय. त्याच्या कॅप्शनमध्ये त्यांनी लिहिलंय, ''मिज़ाज में थोड़ी सख़्ती ज़रूरी है जनाब ; लोग पीकर ख़ाली कर देते अगर समंदर खारा ना होता !!'' ( स्वभावात थोडी कठोरता असणे आवश्यक आहे साहेब, समुद्र जर खारट नसता तर लोकांनी पिऊन संपवला असता.)