मुंबई - बॉलिवूड सुपरस्टार अक्षय कुमार भोपाळ, मध्य प्रदेश येथे पोहोचला आहे जिथे तो त्याच्या आगामी 'सेल्फी' चित्रपटाचे शूटिंग करणार आहे. ४५ दिवसांच्या शूटसाठी चित्रपटाची टीम भोपाळमध्ये असेल. जेव्हा अक्षय विमानतळावर पोहोचला तेव्हा त्याच्या उत्साही चाहत्यांनी सुपरस्टारला पाहण्यासाठी गर्दी केली होती. त्याच्या नुकत्याच रिलीज झालेल्या 'बच्चन पांडे' चित्रपटानंतर अक्षयने 'सेल्फी'च्या शूटिंगला सुरुवात केली आहे ज्यामध्ये इमरान हाश्मी देखील मुख्य भूमिकेत दिसणार आहे.
भोपाळमध्ये 25 मार्चपासून बिशनखेडी येथील माखनलाल चतुर्वेदी विद्यापीठात होणाऱ्या चित्र भारती चित्रपट महोत्सवात अक्षय सहभागी होणार आहे. मुख्यमंत्री शिवराज सिंह यांच्या उपस्थितीत या चित्रपट महोत्सवाचे उद्घाटन होणार असून देशभरातील अनेक नामवंत चित्रपट निर्माते आणि कलाकार या सोहळ्याला उपस्थित राहणार आहेत.