मुंबई -बॉलीवूडचा 'सिंघम' अजय देवगण आणि ज्येष्ठ अभिनेत्री काजोल गुरुवारी (24 फेब्रुवारी) त्यांच्या लग्नाचा 23 वा वाढदिवस साजरा करत आहेत. 24 फेब्रुवारी 1999 रोजी दोघांचे लग्न झाले होते. यावेळी अजय देवगणने पत्नी काजोलला त्यांच्या लग्नाच्या वाढदिवसानिमित्त फिल्मी स्टाईलमध्ये शुभेच्छा दिल्या आहेत. अजय-काजोलची जोडी बॉलिवूडमधील यशस्वी जोडप्यांपैकी एक आहे.
बॉलिवूडचा दमदार अभिनेता अजय देवगणने 23 व्या लग्नाच्या वाढदिवसानिमित्त त्याच्या इंस्टाग्रामवर एक व्हिडिओ शेअर करून पत्नी काजोलला लग्नाच्या वाढदिवसाच्या शुभेच्छा दिल्या आहेत. अजयने लिहिले आहे, 1999-प्यार तो होना ही था, 2022 प्यार तो हमेशा रहेगा'.
या दोघांनी 1999 मध्ये 'प्यार तो होना ही था' या चित्रपटात एकत्र काम केले होते. हा चित्रपट हिट ठरला आणि त्यानंतर दोघांनी लग्न केले. लग्नानंतर अजय-काजोल चित्रपटांमध्ये एकत्र दिसत आले आहेत.