मुंबई - अनेक स्टार किड्सनी आपले नशिब आजमावण्याचा प्रयत्न केला आहे. अनेकांना यात यशही मिळालंय तर काही जण पदार्पणानंतर गायब झालेत. अलिकडे 'पल पल दिल के पास' या चित्रपटातून सनी देओलचा मुलगा करण देओल पदार्पण करणार आहे. तोपर्यंत आणखी एका स्टार किड्सच्या पदार्पणाची बातमी येत आहे. या नव्या स्टारचे नाव आहे अहान शेट्टी.
अभिनेता सुनिल शेट्टीचा मुलगा अहान शेट्टी लवकरच हिंदी चित्रपटसृष्टीत स्वतःला आजमावणार आहे. 'आरएक्स १००' ( RX100 ) या तेलुगु चित्रपटाच्या हिंदी रिमेकमध्ये तो झळकणार आहे. याचे आजपासून दक्षिण मुंबईतील थिएटरमध्ये शूटींग सुरू होईल. यामध्ये तारा सुतारिया ही त्याची सहकलाकार असेल. साजिद नाडियादवाला या चित्रपटाची निर्मिती करीत आहेत. मिलन लुथारिया याचे दिग्दर्शक आहेत.