मुंबई - आशुतोष गोवारीकर दिग्दर्शित पानिपत चित्रपटाचे प्रदर्शन ६ डिसेंबरला होत आहे. अर्जुन कपूर, कृति सेनॉन, संजय दत्त यांच्या भूमिका असलेल्या 'पानिपत' चित्रपटाला मिस्टर परफेक्शनिस्ट आमिर खानने शुभेच्छा दिल्या आहेत.
आमिरने आपल्या इन्स्टाग्रामवर पोस्ट लिहिली असून तो लिहितो, 'प्रिय आशू, संजू, अर्जुन, कृति तुम्हा सर्वांना पानिपतसाठी ऑल द बेस्ट. चित्रपट जितका चांगला आहे तितके किंबहुना त्याहून अधिक यश मिळू दे. लव्ह यू.''
आमिर खान आणि आशुतोष गोवारीकर यांनी लगान या गाजलेल्या चित्रपटात एकत्र काम केले होते. जगभर या चित्रपटाला चांगले यश मिळाले होते. तसेच अनेक पुरस्कारांचा वर्षावही झाला होता. आशुतोष गोवारीकर दिग्दर्शित पानिपत या सिनेमात अर्जुन कपूर, कृती सेनॉन, संजय दत्त, झीनत अमान, पद्मिनी कोल्हापुरे, मोहनिश बेहेल यांच्या मुख्य भूमिका आहेत.
आमिर खान आणि करिना कपूर खान यांच्या प्रमुख भूमिका असलेल्या आगामी 'लाल सिंह चड्ढा' चित्रपट लवकरच प्रदर्शित होणार आहे. यात आमिर खान सरदारच्या गेटअपमध्ये दिसत आहे.