हापुड (उत्तर प्रदेश) - सुशांतसिहं राजपूतच्या निधनामुळे दुःखी झालेल्या एका १२ वर्षाच्या मुलाने सुशांतसारखेच स्वतःला लटकवून आत्महत्या केल्याची धक्कादायक घटना घडली. फॅनने अशा प्रकारे आत्महत्या करण्याचा हा प्रयत्न पालकांची चिंता वाढवणारा आहे.
आत्महत्या करण्यापूर्वी हा मुलगा सुशांतच्या आत्महत्येसंबंधीच्या बातम्या पाहण्यासाठी टीव्हीला चिकटून बसत होता, असे त्याचा कुटुंबीयातील काही सदस्यांनी सांगितले.
एसपी सर्वेश मित्रा यांनी दिलेल्या माहितीनुसार या मुलाचे वडील ग्रेटर नोएडा येथे एका खासगी कंपनीत इंजिनियअर असून तो मुलगा आई, आजी आणि मोठ्या बहिणीसोबत घरी राहात होता. तो जिन्यावरुन वरती गेला आणि त्याने आतून खोलीचा दरवाजा बंद केला आणि स्वतःच्या कपड्याने गळफास घेऊन मरण पावला. कुटुंबीयांच्या आग्रहास्तव मुलाचे पोस्ट मार्टम करण्यात आले नसल्याचे पोलिसांनी सांगितले.
पोलिसांनी सांगितले, ''आपले जीवन संपवेल असे दुसरे काही कारण समोर आलेले नाही. सर्व आई-वडिलांनी आपल्या मुलांना अशा बातम्यांपूसन आणि सोशल मीडियापासून दूर ठेवावे अशी विनंती करत आहोत.''