Samsung Galaxy Z Fold 5 : सॅमसंग गॅलक्सी या फोनमध्ये देणार जबरदस्त फिचर, जाणून घ्या काय आहे वैशिष्टे

सॅमसंग आपल्या ग्राहकांसाठी नवा फोन बाजारात आणणार असल्याची घोषणा कंपनीने केली आहे. सॅमसंगच्या या फोनमध्ये ग्राहकांना नेहमीपेक्षा मोठी स्क्रिन मिळणार आहे.

सॅन फ्रान्सिस्को : सॅमसंग आपल्या ग्राहकांना नेहमीच काही नवीन फिचर देत असतो. त्यामुळेच सॅमसंगच्या फोनची ग्राहकांमध्ये मोठी क्रेझ आहे. आता सॅमसंगने आपल्या फोल्डेबल स्मार्टफोन Galaxy Z Fold 5 मध्ये 6.2 इंचाची बाह्य स्क्रीन ग्राहकांना उपलब्ध करुन दिली आहे. ( Samsung Galaxy Z Fold 5 ) सॅमसंग आपल्या आगामी Z Fold 5 फोनच्या बाह्य डिस्प्लेचा आकार 6.2 इंच ठेवणार असल्याने ग्राहकांना या फोनची उत्सुकता लागली आहे. ग्राहकांना नेहमीपेक्षा सॅमसंगच्या फोनवर मोठी स्क्रिन वापरायला मिळणार आहे. सॅमसंग Z Fold 5 हा फोन कॅमेरा मॉड्यूल असल्याचा दावा टिपस्टरकडून करण्यात आला आहे.

गॅलेक्सी वॉचसोबत झेड फोल्ड 5 चे अनावरण :सॅमसंग गॅलक्सी या वर्षाच्या शेवटी नवीन फ्लिप डिव्हाइस आणि गॅलेक्सी वॉचसोबत झेड फोल्ड 5 चे अनावरण करणार असल्याची अपेक्षा आहे. यापूर्वी फोल्ड 5 या फोनमध्ये 108 MP प्राथमिक रियर कॅमेरा आणि इन-बिल्ट स्टायलस पेन (एस पेन) स्लॉटसह ग्राहकांच्या सेवेत येईल. सॅमसंग Z Fold 5 मध्ये ड्रॉपलेट स्टाईल बिजागर देखील असणार. त्यामुळे सॅमसंग Z Fold 5 या फोनच्या डिस्प्ले क्रीज कमी करेल. सॅमसंग आपल्या आगामी Galaxy Z Fold 5 स्मार्टफोनसाठी चीनी फोल्डेबल पॅनेल वापरणार नसल्याची माहितीही कंपनीने मागील महिन्यात दिली होती.

सॅमसंगचा हा फोन होणार भारतात लाँच :सॅमसंग 15 मार्चला Galaxy A34 5G आणि Galaxy A54 5G स्मार्टफोन लॉन्च करण्याचा विचार करत आहे. पुढील आठवड्यात हा फोन भारतातही लॉन्च होणार असल्याचा दावा टिपस्टरने केला आहे. Galaxy A34 आणि Galaxy A54 दोन्ही सॅमसंगच्या 5G-रेडी स्मार्टफोन्सच्या पोर्टफोलिओमध्ये जोडले जातील असेही या अहवालात नमूद करण्यात आले आहे. सॅमसंग कंपनीला भारतात 5G मध्ये आपले स्थान टिकवून ठेवण्यास हे फोन मदत करतील. Galaxy A34 5G आणि Galaxy A54 5G ची किंमत 30 हजार ते 40 हजार रुपयांच्या दरम्यान असू शकते अशी माहिती आयएएनएस या वृत्तवाहिनीने दिली आहे. सॅमसंग Galaxy A34 5G आणि Galaxy A54 5G गेल्या वर्षीच्या Galaxy A53 आणि Galaxy A33 मॉडेल्सची जागा घेणार असल्याची माहितीही यावेळी देण्यात आली.

हेही वाचा - WhatsApp New Features : लवकरच व्हॉट्स अ‍ॅपवर नवीन २१ इमोजी होतील उपलब्ध, भन्नाट इमोजी केल्या डिझाईन