नवी दिल्ली - हिरो इलेक्ट्रॉनिक्सने च्या कंझ्युमर टेक्नॉलॉजी ब्रँड क्युबोने शुक्रवारी जाहीर केले की ते नवीन उत्पादन - क्यूबो स्मार्ट डॅश कॅम ( Cubo Smart Dash Cam ) लाँच करून ऑटो-टेक क्षेत्रात प्रवेश करत आहे. 4,290 रुपये किमतीचा, सर्व-नवीन क्युबो डॅश कॅम आयओएस ( iOS ) आणि अँड्रॉईड ( Android ) दोन्ही प्लॅटफॉर्मवर युजर्ससाठी अनुकूल मोबाइल ऍप्लिकेशनसह येतो आणि विविध ऑनलाइन आणि ऑफलाइन चॅनेलवर उपलब्ध आहे.
हिरो इलेक्ट्रॉनिक्सचे उपाध्यक्ष उज्ज्वल मुंजाल यांनी एका निवेदनात म्हटले आहे की, “ग्राहक-केंद्रित कनेक्टेड उपकरणे तयार करण्याच्या आमच्या व्यापक दृष्टीकोनाच्या अनुषंगाने, क्यूबोने गेल्या दोन वर्षांत खूप मोठा पल्ला गाठला आहे. आज, क्यूबोकडे कनेक्टेड स्मार्ट होम उत्पादनांची विस्तृत श्रेणी आहे जी भारतीय ग्राहकांचे जीवन समृद्ध करत आहे.