नवी दिल्ली- इंटेलने डेस्कटॉपसाठी वापरण्यात येणारे प्रोससर जवळपास पाच वर्षानंतर लाँच केले आहे. हे अकराव्या पिढीतील जेन कोअर एस-सिरीज प्रोससर कोडनेम रॉकेट लेक-एस नावाचे आहे. गेमर्स आणि पीसीबाबत उत्सुक असणाऱ्यांसाठी हे प्रोससर अधिक कार्यक्षमतेने काम करू शकते.
कोअर आय ९-११९०० के हे आठ कोअर्स आणि १६ थ्रेडसह आहे. याचा वेग ५.३ गीगहार्टझ आहे. डीडीआर४ चा ३,२०० मेगाहार्टझपर्यंत सपोर्ट आहे. लाँच झालेले हे प्रोसेसर फास्ट मेमरी असलेले आहे. त्यामधून निवांतपणे गेमिंगचा अनुभव घेता येणे शक्य आहे. तसेच कधी नव्हे असे मल्टीटास्किंग कामे करणे शक्य असल्याचे इंटेलने म्हटले आहे. ११ व्या जेन इंटेल कोअर एस-श्रेणीमधील डेस्कटॉप प्रोसेसरचे हार्डवेअर आणि सॉफ्टवेअर हे चांगल्या गेमिंगसाठी तयार करण्यात आले आहे. त्यामुळे गेमर्सला कुठेही गेमिंगचा चांगला अनुभव मिळविणे शक्य होणार असल्याचे कंपनीने म्हटले आहे.