कोलंबो: श्रीलंकेचे राष्ट्रपती गोटाबाया राजपक्षे यांनी मंगळवारी उशिरा तात्काळ प्रभावाने आणीबाणी उठवली. देशात वाढत्या संकटाच्या पार्श्वभूमीवर १ एप्रिल रोजी आणीबाणी लागू करण्यात आली होती. मंगळवारी रात्री उशिरा जारी करण्यात आलेल्या राजपत्रातील अधिसूचना क्रमांक 2274/10 मध्ये राष्ट्रपतींनी सांगितले की, 'त्यांनी आणीबाणी नियमांचा अध्यादेश मागे घेतला आहे, ज्याने सुरक्षा दलांना देशात कोणताही त्रास होऊ नये यासाठी व्यापक अधिकार दिले होते.'
श्रीलंका सरकारने देशाच्या इतिहासातील सर्वात मोठ्या आर्थिक संकटावर रविवारी प्रस्तावित देशव्यापी निषेधापूर्वी शनिवारी 36 तासांचा कर्फ्यू जाहीर केला. याआधी शुक्रवारी राष्ट्रपती गोटाबाया राजपक्षे यांनी एक विशेष राजपत्र अधिसूचना जारी करून श्रीलंकेत 1 एप्रिलपासून तातडीने सार्वजनिक आणीबाणी जाहीर केली होती.