पाकिस्तानातील सध्याचे आर्थिक संकट पाकिस्तान्यांसह काश्मिरी फुटीरतावाद्यांनाही तितकेच पछाडत आहे. कारण अनेक फुटीरतावाद्यांनी पाकिस्तानात आश्रय घेतलेला आहे. जेणेकरून तेथून ते भारतावर आक्रमण करू शकतील. पाकिस्तानची आर्थिक स्थिती कमालीची अस्थिर झाली आहे आणि देश दिवाळखोर होण्याच्या मार्गावर आहे. आर्थिक स्थिती कोलमडल्याने गेल्या काही काळापासून सुरु असलेल्या राजकीय गोंधळात आणखीनच भर पडली आहे.
अलिप्ततावाद- पाकिस्तानने काश्मीरमधील फुटीरतावादी चळवळीला पाठिंबा दिला असताना, सीमावर्ती भागांत आदिवासींच्या अलिप्ततेमुळे फुटीरतावाद हा त्यांच्या स्वतःच्या सीमेतच वाढत आहे. बदला घेण्याच्या मोहिमेला सुरुवात करताना तुमच्याकडे दोन गोळ्या असणे आवश्यक आहे, एक शत्रूसाठी आणि दुसरी स्वतःसाठी, असे म्हटले जाते. 1971 मध्ये भारताने बांगलादेश म्हणजेच तत्कालीन पूर्व पाकिस्तानमध्ये फुटीरतावादी चळवळीला पाठिंबा दिला होता. तेव्हा भारताने जे केले त्याचा बदला पाकिस्तानला घ्यायचा होता. पाकिस्तानने 1980 च्या दशकात खलिस्तान चळवळीला पाठिंबा देऊन प्रतिउत्तर दिले. यावेळी शिखांनी त्यांचा स्वतंत्र देश करण्याचा एक अयशस्वी प्रयत्न केला. पाकिस्तानने 1980 च्या दशकाच्या उत्तरार्धात आपल्या जुन्या लक्ष्य क्षेत्राकडे म्हणजे काश्मीरकडे आपले लक्ष वळवले. त्यापूर्वीही अनेकदा काश्मीरचे एकत्रीकरण करण्याचा प्रयत्न पाकिस्तानकडून करण्यात येत होता.
के-फॅक्टर- काश्मीर म्हणजे पाकिस्तानच्या राजकारण्यांसाठी महत्त्वाचा मुद्दा आहे. जे पाकिस्तानी राजकारणी काश्मीरमधील फुटीरतावादाची बाजू घेतात त्यांना त्यांच्या राजकारणात फायदा होतो. काश्मीरबद्दल चीड दाखवणाऱ्याला पाकिस्तानमध्ये रोषाला सामोरे जावे लागले हे उघड सत्य आहे. संपूर्ण पाकिस्तान गंभीर आर्थिक संकटाने ग्रासलेला असताना काश्मीरबाबत अजूनही तीच भूमिका पाहायला मिळत आहे. 23 फेब्रुवारी रोजी UNGA मध्ये, पाकिस्तानने कश्मीर प्रश्न पुन्हा एकदा उपस्थित केला. आर्थिक परिस्थिती सुधारलेली नसतानाही पाकिस्तानने काश्मीरबाबत त्यांची भूमिका पुन्हा बोलून दाखवली आहे.
राजकीय इच्छाशक्तीचा अभाव - अंतर्गत आणि बाह्य संघर्षांमुळे पाकिस्तानची अनेक संसाधने अक्षरशः संपुष्टात आली आहेत. मात्र ही बाब पाकिस्तान अक्षरशः विसरला आहे. नुकत्याच आलेल्या पुरामुळे देशाची आर्थिक स्थिती बिकट झाली आहे. पाकिस्तान आपल्या अर्थसंकल्पातील मोठा पैसा लष्करावर खर्च करतो. कारण त्यांना या लष्कराला सांभाळण्याची गरज आहे. पाकिस्तानी सैन्य अफगाणिस्तानला स्पर्श करणार्‍या सीमांवर कडक नजर ठेवत आहेत. पाकिस्तानमधील कोणताही राजकीय पक्ष काश्मीरमधील फुटीरतावाद्यांवर अवलंबून असतो आणि कोणत्याही नेत्याला त्याविरोधात बोलणे परवडत नाही. आताही नाही, जेव्हा एकूणच पाकिस्तान कोसळण्याच्या मार्गावर आहे. देशाचे अस्तित्व धोक्यात आले असले तरी काश्मीरबाबत त्यांचे धोरण कायम आहे.
दहशतवादाचे प्रायोजकत्व-काश्मीरमधील अनेक लहान-लहान दहशतवादी संघटनांचे एकत्रीकरण करणाऱ्या युनायटेड जिहाद कौन्सिलचा पाकिस्तानमध्ये तळ आहे. याठिकाणी नेता सय्यद सलाहुद्दीन 20 वर्षांहून अधिक काळ वास्तव्य करत आहे. फुटीरतावादी गटांचे हे छत्र काश्मीरमध्ये अधिक पैसे येऊ देण्यासाठी आर्थिक कारणांसाठी केले गेले. विभाजित धोरणाने पाकिस्तानला अधिक पैसे कमावायचे होते. JKLF, हिजब, तहरीक उल मुजाहिदीन, इत्यादी वेगवेगळ्या नेत्यांच्या नेतृत्वाखाली असंख्य गटांमध्ये हे लोक विभागले गेले, कारण प्रत्येक गट स्वतंत्र अनुदान मिळविण्यास पात्र होता.