Mob Lynching In Pakistan : पोलीस ठाण्यातून ओढून बाहेर काढत पाकिस्तानमध्ये मॉब लिचिंग

पाकिस्तानातील पंजाबमधील नानकाना साहिब येथे शनिवारी आणखी एक रक्तरंजित घटना घडली. शनिवारी हिंसक जमावाने एका व्यक्तीला पोलीस ठाण्यातून ओढून बाहेर काढले. मारहाण करत त्याला ठार मारले. त्याच्यावर कुराणाची निंदा केल्याच्या आरोप होता. यात त्याला बंदिस्त करण्यात आले. त्याचा छळ करण्यात आला.

पंजाब ( पाकिस्तान ) :ईश्वरनिंदा केल्याप्ररणी नानकाना साहिब पोलीस ठाण्यातील एकाला जमावाने प्रचंड मारहाण केली. यात त्याचा मृत्यू झाला. मुहम्मद वारीस असे मारहाण झालेल्या व्यक्तीचे नाव आहे. त्याने कुराणाची विटंबना केल्याप्रकरणी ताब्यात घेण्यात आले होते. मुहम्मद वारीसला जमावाने त्यांच्या ताब्यात देण्याची मागणी केली आहे. मात्र तसेच न झाल्याने संतप्त जमावाने थेट पोलीस ठाण्यात दंगा केला.

पोलीस कंपाऊंडला वेढा : शेकडो तरुणांनी नानकाना साहिब पोलीस कंपाऊंडला वेढा घातला होता. एक माणूस शिडीचा वापर करून उंच गेट पार करण्याचा प्रयत्न करत होता. तसेच गेटचे कुलूप उघडत होता. त्या व्यक्तीला पायांनी रस्त्यावर ओढले गेले, त्याचे कपडे काढून लाठ्या आणि काठ्यांनी मारले गेले. धातूच्या रॉडने मारहाण करण्यात आली आहे. जमावाचे रौद्ररूप पाहून स्टेशन हाऊस ऑफिसर वॉरबर्टन फिरोज भाटी आणि इतर पोलिस कर्मचारी आपला जीव वाचवण्यासाठी घटनास्थळावरून पळ काढला. परिसरातील रहिवाशांनी सांगितले की, दोन वर्षे तुरुंगात घालवल्यानंतर मुहम्मद वारीस परत आला. मुहम्मद वारीसने कुराणाच्या पवित्र कागदांवर त्याच्या आधीच्या पत्नीचे चित्र चिकटवून जादूटोणा केला होता. त्यांनी सांगितले की, कथित गुन्ह्याच्या बातम्यांमुळे रहिवासी संतप्त झाले. शेकडो लोकांनी पोलीस स्टेशनला घेराव घातला.

मुस्लीम बहुसंख्य देशात अशा घटना वारंवार :मुस्लीम बहुसंख्य देशात वारंवार अशा घटना होत आहेत. मुहम्मद पैगंबराच्या निंदेच्या अनेक घटना घडत आहेत. या आरोपांवरून लिंचिंग रोखण्यासाठी पुरेसे काम न केल्याबद्दल आंतरराष्ट्रीय अधिकार गटांनी पाकिस्तानी अधिकाऱ्यांवर दीर्घकाळ टीका केली आहे. पाकिस्तानी कायद्यानुसार कुराणाची निंदा हा देखील गुन्हा आहे. ज्यात मृत्युदंडाची शिक्षा होऊ शकते. 2021 मध्ये एका श्रीलंकन नागरिकाच्या, हत्येसह मुहम्मद पैगंबराची निंदा केल्याचे प्रकरण समोर आले होते. आरोप असलेल्या व्यक्तीविरोधात कारवाईची अनेक प्रकरणे समोर आली आहेत. या प्रकरणामुळे पाकिस्तानमध्ये राष्ट्रीय आणि जागतिक स्तरावर संतापाची लाट उसळली आहे. सुमारे 89 संशयितांचा समावेश असलेल्या सामूहिक खटल्यात श्रीलंकेच्या गारमेंट फॅक्टरी मॅनेजरला लिंच केल्याबद्दल सहा जणांना फाशीची शिक्षा सुनावण्यात आली.

दोषींवर तत्काळ कारवाईचे आदेश : जमावाला रोखण्यात असमर्थ ठरलेल्या पोलिस अधिकाऱ्यांना निलंबित करण्यात आले आहे, दरम्यान, पंतप्रधान शेहबाज शरीफ यांनी या घटनेच्या चौकशीचे आदेश दिले आहेत. पोलिसांनी हिंसक जमावाला का थांबवले नाही, अशी विचारणा करण्यात येत आहे.कायद्याचे राज्य सुनिश्चित केले पाहिजे. कोणालाही कायद्यावर प्रभाव टाकू देऊ नये असे ते म्हणाले. पंजाबचे काळजीवाहू मुख्यमंत्री मोहसीन नक्वी यांनीही या घटनेचा आयजीकडून अहवाल मागवला असून प्रत्येक पैलूंवरून तपास करण्याचे निर्देश दिले आहेत. त्यांनी दोषींवर तत्काळ कारवाई करण्याचे आदेश दिले आहेत.

एखाद्याला ठार मारणे क्रूर कृत्य :पाकिस्तान उलेमा कौन्सिलचे अध्यक्ष ताहिर मेहमूद अशरफी यांनी या घटनेचा निषेध केला आहे. कुराणाची निंदा केल्याचा आरोप असलेल्या एखाद्याला ठार मारणे आणि जाळणे हे क्रूर कृत्य आहे.असे त्यांनी म्हटले आहे. ननकाना साहिबमध्ये पवित्र कुराणची निंदा केल्याचा आरोप असलेल्या व्यक्तीचा अमानुष छळ करून त्याची हत्या करणे आणि पोलिस स्टेशनवर हल्ला करणे हे खेदजनक आणि निषेधार्ह आहे असे त्यांनी ट्विटरवर म्हटले आहे. दारिद्र्य निर्मूलन आणि सामाजिक सुरक्षा मंत्री शाझिया मेरी यांनी म्हटले की, ही घटना आपल्या समाजाला सतत त्रास देत असलेल्या दुःखद आणि धोकादायक प्रवृत्तीचा भाग आहे. शांतता आणि सुसंवाद साधण्यासाठी याचा प्रतिकार करणे आवश्यक आहे. आपण सहिष्णू राहण्यास शिकले पाहिजे. पाकिस्तानची स्थापना मजबूत तत्त्वांवर झाली असे त्यांनी म्हटले आहे.

हेही वाचा :Delhi Mumbai Expressway : पंतप्रधान मोदींच्या हस्ते आज दिल्ली मुंबई एक्सप्रेसवेच्या फर्स्ट फेजचे उद्घाटन