इजिप्तमध्ये पर्यटकांच्या बसला अपघात, सोळा भारतीयांचा समावेश

भारतीय दूतावासाने ट्विटरवरून ही माहिती दिली. १६ भारतीयांसह इतर पर्यटकांना घेऊन जाणाऱ्या बसचा ऐन सोखना येथे अपघात झाला आहे. दूतावासाचे कर्मचारी सुएझ आणि कैरो येथील रूग्णालयांमध्ये उपस्थित आहेत, अशा आशयाचे हे ट्विट आहे.

कैरो - पर्यटकांनी भरलेल्या एका बसचा इजिप्तमधील ऐन सोखना येथे अपघात झाला. या बसमध्ये १६ भारतीयही होते, अशी माहिती कैरोमधील भारतीय दूतावासाने दिली आहे.

भारतीय दूतावासाने ट्विटरवरून ही माहिती दिली. १६ भारतीयांसह इतर पर्यटकांना घेऊन जाणाऱ्या बसचा ऐन सोखना येथे अपघात झाला आहे. दूतावासाचे कर्मचारी सुएझ आणि कैरो येथील रूग्णालयांमध्ये उपस्थित आहेत. अशा आशयाचे हे ट्विट आहे. यासोबत या ट्विटमध्ये दोन हेल्पलाईन क्रमांकही दिले आहेत. या ट्विटमध्ये त्यांनी देशाचे परराष्ट्र मंत्रालय, परराष्ट्र मंत्री एस. जयशंकर आणि परराष्ट् राज्य मंत्री यांनाही टॅग केले आहे.

इजिप्तमधील एका स्थानिक वृत्तपत्राने दिलेल्या माहितीनुसार, या अपघातात २२ ठार तर आठ जण गंभीर जखमी झाले आहेत. मृतांमध्ये भारतीयांचाही समावेश आहे, मात्र त्यांची नेमकी संख्या कळू शकली नाही.

हेही वाचा :कझाकिस्तान विमान दुर्घटना, 15 ठार तर ६६ जखमी..