अफगाणिस्तान : काबुल शहरात कारमध्ये बॉम्बस्फोट, ७ ठार

अफगाणिस्तानातील काबुल शहर बॉम्बस्फोटाने हादरले आहे. आज (बुधवारी) सकाळी ७.२५ वाजता एका कारमध्ये बॉम्बस्फोट झाला. यामध्ये ७ जणांचा मृत्यू झाला तर अनेकजण गंभीर जखमी झाले.

काबुल - अफगाणिस्तानातील काबुल शहर बॉम्बस्फोटाने हादरले आहे. आज (बुधवारी) सकाळी ७.२५ वाजता एका कारमध्ये बॉम्बस्फोट झाला. यामध्ये ७ जणांचा मृत्यू झाला तर अनेकजण गंभीर जखमी झाले आहेत. अफगाणिस्तानच्या गृहमंत्रालयाने याबाबत माहिती दिली.

शहरातील कसबा भागातील पीडी-१५ येथे हा स्फोट झाला. जखमींना रुग्णालयामध्ये दाखल करण्यात आले आहे. स्फोटामुळे परिसरातील अनेक गाड्यांचेही नुकसान झाले आहे. कोणत्याही दहशतवादी गटाने आत्तापर्यंत या हल्ल्याची जबाबदारी स्वीकारली नाही. स्फोटानंतर पोलिसांनी परिसराला वेढा घातला आहे.याआधी सप्टेंबर महिन्यात अफगाणिस्तानातील परवान प्रांत बॉम्बस्फोटाने हादरला होता. राष्ट्रपती अश्रफ घनी एका रॅलीला संबोधीत करत असताना हा स्फोट झाला होता. या स्फोटामध्ये ८ जणांचा मृत्यू झाला होता तर १० जण जखमी झाले होते. एका आत्मघाती हल्लेखोराने हा स्फोट घडवून आणला होता.