बैरूत -नवीन वर्षाच्या उत्सवाच्या वेळी झालेल्या गोळीबारामुळे बैरूत विमानतळावरील 3 विमानांना गोळ्या लागल्या आहेत.
वृत्तसंस्था सिन्हुआने एलबीसी टीव्ही वाहिनीच्या वृत्तानुसार, ही तिन्ही विमाने मध्यपूर्व एअरलाइन्स (एमईए) ची असून त्यातील एक विमान शुक्रवारी सकाळी दुबईला जाणार होते.
हेही वाचा -सीरिया : सैनिकांना घेऊन जाणाऱ्या बसवर आयएस दहशतवाद्यांचा हल्ला, 25 ठार
लेबेनॉनमध्ये नवीन वर्ष, विवाहसोहळा आणि अंत्यसंस्कारासह अनेक प्रसंगी लेबनीज लोक अनेकदा गोळीबार करतात. यामुळे यापूर्वीही अनेकजण गंभीर जखमी झाले आहेत. तर, अनेकांचे मृत्यूही झाले आहेत.
गृहमंत्री मोहम्मद फहमी यांनी यापूर्वीही अशा प्रथा बंद करण्याचा इशारा दिला होता. हा इशारा देशातील लोकांकडे मोठ्या प्रमाणात असलेली अवैध शस्त्रे पाहता देण्यात आला आहे.
हेही वाचा -पाकिस्तानमध्ये झालेल्या आयईडी स्फोटात 2 ठार, 8 जखमी
