योकोहोमा - जपानमध्ये संशयित कोरानाबाधित रुग्णांना ठेवण्यात आलेल्या डायमंड प्रिन्सेस जहाजावरील लोकांमध्ये या विषाणूचा संसर्ग पसरला आहे. आतापर्यंत ३५५ जणांना कोरोनाची लागण झाली आहे. जपानच्या आरोग्य मंत्र्यांनी रविवारी ही माहिती दिली.
जपानच्या जहाजावर कोरोना विषाणूचा संसर्ग वाढला, ३५५ जणांना लागण
या जहाजावर कोरोनाच्या साथीमुळे अमेरिका, कॅनडा आणि हाँग काँगमधून मायदेशी परतलेले नागरिक आहेत. त्यांना विषाणू संक्रमण पसरू नये, यासाठी या जहाजावरच ठेवण्यात आले आहे. शनिवारी या रुग्णांची संख्या ७० वर पोहोचली असल्याचे जपान सरकारने जाहीर केले होते. देशातील सामान्य लोकांमध्ये संक्रमणाची वाढ हा विषाणूचा प्रसार पुढील टप्प्यात पोहोचला असल्याचा पुरावा आहे. यामुळे सरकार चिंतित आहे.