नेपाळमध्ये भाविकांच्या बसला भीषण अपघात; १४ जणांचा मृत्यू, १९ जखमी

नेपाळमध्ये भीषण बस अपघातात १४ जणांचा मृत्यू झाला तर १९ जण गंभीर जखमी झाले आहेत. सिंधुपलचोक जिल्ह्यात आज (रविवारी) हा अपघात झाला.

काठमांडू - नेपाळमध्ये भीषण बस अपघातात १४ जणांचा मृत्यू तर १९ जण गंभीर जखमी झाले आहेत. सिंधुपलचोक जिल्ह्यात आज (रविवारी) हा अपघात झाला. कालीनचौक मंदिरातून दर्शन घेऊन माघारी येत असताना ही बस दरीत कोसळली.

बसमध्ये एकून ४० प्रवासी होते, त्यातील १९ जण गंभीर जखमी झाले आहेत. अपघातानंतर बस दरीमध्ये कोसळली. माहिती मिळताच पोलिसांनी घटनास्थळी धाव घेतली. जेसीबीच्या साह्याने बस दरीमधून बाहेर काढण्यात आली. डोकलाम खादीचूर- जीरी रोडवर हा अपघात झाला. मृतांची ओळख अद्याप पटलेली नाही. तसेच मृतांचा आकडा वाढण्याची भीती प्रशासनाने व्यक्त केली आहे. पोलीस याप्रकरणी तपास करत आहेत.