काबूल -अफगाण सरकारच्या आकडेवारीनुसार असे दिसून आले आहे की, गेल्या महिन्यात सहा प्रांतातील सततच्या संघर्षामुळे तब्बल 18 हजार कुटुंबे विस्थापित झाली आहेत. ही सर्व कुटुंबे बागलान, कुंदुज, फराह, हेरात, घोर आणि उरुजगन या प्रांतांतील आहेत.
टोलो न्यूजच्या वृत्तानुसार, राज्याच्या आपत्ती व्यवस्थापन मंत्रालयाने शनिवारी एका निवेदनात म्हटले आहे की, सध्याचा हिंसाचार कायम राहिल्यास किंवा त्यात आणखी वाढ झाल्यास सहाय्य करणाऱ्या संस्था असुरक्षित भागातील असुरक्षित कुटुंबांपर्यंत पोहोचणार नाहीत.
हेही वाचा -अफगाणिस्तानच्या हेल्मंडमध्ये 60 दहशतवाद्यांचा खात्मा