दोहा(कतार) -अफगानिस्तान राष्ट्रीय फुटबॉल संघातील फुटबॉलर जाकी अन्वरचे गुरवारी निधन झाले. काबूल विमानतळावरून उड्डाण भरलेल्या अमेरिकीच्या बोईंग सी-17 विमानाच्या चाकावर तो बसला होता. विमानाने उड्डान भरल्यानंतर तो खाली कोसळला आणि मृत्य झाला. जाकीच्या मृत्यूची घोषणा अफगाण राष्ट्रीय फुटबॉल संघाने फेसबूकच्या माध्यमातून केली.
16 ऑगस्टला हामिद करजई आंतरराष्ट्रीय विमानतळावरील एक व्हिडिओ समोर आला होता. अमेरिका हवाई दलाचे विमान उड्डाण भरण्यासाठी धावपट्टी धावत होते. तेव्हा अफगाण लोक विमानासोबत धावत असल्याचे व्हिडिओत दिसत होते. विमानाने उड्डाण भरण्यापूर्वी काही लोक विमानाच्या चाकावर असलेल्या जागेत बसल्याचे दिसत होते. जेव्हा विमानाने उड्डान घेतले. तेव्हा संतुलन गमावल्यानंतर ते लोक खाली कोसळले. तीन लोकांचा कोसळून मृत्यू झाला. त्यांचे मृतदेह शहरातील घरांच्या छतावर मिळाले होते. तर लँडिंग केल्यानंतर विमानाच्या चाकांमध्ये अमेरिकेन सैन्यांना मानवी शरिराचे अवशेष आढळले होते.
गेल्या दोन दशकांपासून अफगाणिस्तानात सुरू असलेल्या गृहयुद्धातून अमेरिका आणि नाटो सैन्याने माघार घेताच तालिबानने अफगाणवर ताबा मिळवला. तालिबानच्या ताब्यात जाताच, अफगाणिस्तानमध्ये अराजकता पसरली आहे. तालिबानने संपूर्ण देशात धुडगूस घातला असून नागरिकांचे हाल सुरू आहेत. तालिबानच्या तावडीतून सुटण्यासाठी प्रत्येक जण प्रयत्न करत आहे. मिळेल त्या मार्गाने देश सोडण्यासाठी नागरिक धडपडत आहेत.