वॉशिंग्टन - दिवाळीचा सण केवळ देशातच नव्हे तर जगभरात मोठ्या थाटामाटात साजरा केला जात आहे. अमेरिकेचे अध्यक्ष डोनाल्ड ट्रम्प यांनीही दीपप्रज्वलन करुन दिवाळी साजरी केली आहे. याबद्दल त्यांनी टि्वटकरून माहिती दिली आहे.
अमेरिकेचे राष्ट्राध्यक्ष डोनाल्ड ट्रम्प यांनी व्हाइट हाऊस येथे पत्नी मेलानिया यांच्यासमवेत दीप प्रज्वलन केले आणि दिवाळीच्या शुभेच्छा दिल्या आहेत. दीप प्रज्वलन करुन आपलं नातं आणि संस्कृती भक्कम करण्याची आपण पार्थना करूया, ही दिवाळी आपणा सर्वांसाठी भरभरून आनंद घेऊन येईल, असे त्यांनी म्हटले आहे.